Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Investigimi i Piranjave për jetën e oficerëve italianë në Shëngjin/ Piantedossi: Nuk shoh asnjë problem që kohën e lirë ta shpenzojnë në SPA apo në shëtitje
r.llPërditësimi i fundit 15 Dhjetor 2024, 15:44
foto ilustruese
ITALI- Marrëveshja Shqipëri-Itali për emigrantët dhe kampet e strehimit në Gjadër dhe Shëngjinit vijojnë të jenë temë kryesore debati në politikën italiane. Kjo marrëveshje ka marrë dhe shumë kritika nga politikanët e të dyja vendeve, të cilat u shtuan edhe pas ndërtimit dhe lënies bosh të tyre për shkak të problemeve që nxorën gjykatat italiane.
Një investigim i emisionit "Piranjat" shtoi edhe më tepër polemikat për mënyrën se si miliona euro u çuan dëm nga qeveria e Melonit. "Piranjat" pasqyruan mënyrën e jetesës luksoze të oficerëve italianë që janë akomoduar në një resort në Shëngjin. Këto oficerë paguhen nga qeveria italiane për të monitoruar kampet e emigrantëve, të cilat siç e thamë janë momentalisht bosh.
E gjithë kjo situatë duket se nuk e shqetëson aspak ministrin e Brendshëm italian, Matteo Piantedosi. I pyetur nga gazetari i njohur italian, Enrico Mentana, se çfarë do të bëhet me kampet në Shqipëri dhe për shpenzimet që Italia paguan për stafin që menaxhon kampet bosh, ministri Piantedosi tha se nuk sheh asgjë të keqe në këtë çështje.
Në praninë e Sekretares së Brendshme britanike, Yvette Cooper, ministri italian deklaroi se nuk sheh asnjë problem, te fakti se policët që ruajnë kampin, të flenë në hotel luksoz dhe kohën e lirë ta shpenzojnë në SPA, duke vënë baste apo edhe në shëtitje. Gjithashtu ai theksoi se projekti për kampet e emigrantëve me Shqipërinë do të vazhdojë.
Enrico Mentana: Unë i kuptoj rreziqet e përfshira, por e vërteta themelore është se çfarë keni ndërmend të bëni? Është shumë herët për të gjykuar se cila është perspektiva, në fakt jemi ende në kreditet e hapjes? A është ky një prolog?
Matteo Piantedosi: Fillimisht më lejoni që shkurtimisht të them diçka në lidhje mbi atë që u referoheshe policëve. Ndonjëherë habitem me ata që imagjinojnë se një polic kur është në një mision jashtë vendit përtej funksionalitetit të qendrës, fakti që ndodhet në një hotel me tre yje dhe që kohën e lirë vendos t'ia kushtojë vetes, ndoshta vënies së një basti, në spa, ose në një shëtitje.
Enrico Mentana: Me një vajzë të bukur?
Matteo Piantedosi: Me një vajzë të bukur? Këtu ve re diçka të qëllimshme, gjithashtu armiqësore ndaj figurës së policit dhe nuk është hera e parë, thënë këtë, ne do vijojmë të ecim përpara me Shqipërinë.
