Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
Iu gjetën 530 doza kanabis gati për shitje në automjet, arrestohet 27-vjeçari në Vlorë, procedohet bashkëpunëtori 17-vjeçar
S.BPërditësimi i fundit 29 Maj 2024, 14:44
pamje nga ngjarja
VLORË- Arrestohet një 27-vjeçar dhe procedohet bashkëpunëtori i tij për shitje droge në Vlorë. 27-vjeçari Xh.J është arrestuar në flagrancë pasi në automjetin e tij u gjetën 530 doza kanabis të gatshme për shitje.
Bashkëpunëtori i tij 17-vjeçari L.Z, është proceduar në gjendje të lirë pasi mësohet se ndihmonte 27-vjeçarin për shitjen dhe shpërndarjen e drogës në zonat e frekuentuara të qytetit.
Njoftimi i Policisë:
Vijon megaoperacioni policor i koduar “Tempulli 3”, goditet një rast i shitjes së lëndëve narkotike, në doza. Vihet në pranga një 27-vjeçar, të cilit iu gjet në automjet, një sasi lënde narkotike cannabis sativa e ndarë në rreth 530 doza të gatshme për shitje.
Procedohet penalisht një 17-vjeçar, i dyshuar si bashkëpunëtor për shitjen e dozave. Sekuestrohet sasia e lëndës narkotike, që u gjet në automjet. Specialistët e Seksionit për Hetimin e Narkotikëve të DVP Vlorë, në bashkëpunim me shërbimet e Delta Force, në vijim të veprimeve intensive operacionale të kryera në kuadër të megaoperacionit policor mbarëkombëtar, antidrogë, të koduar “Tempulli 3”, pasi kanë siguruar informacion se një shtetas po transportonte me automjet, një sasi lënde narkotike, me qëllim shitjen e saj, kanë organizuar punën për kapjen dhe vënien e tij përpara përgjegjësisë ligjore.
Si rezultat, u kap dhe u arrestua në flagrancë shtetasi Xh. J., 27 vjeç, banues në Fier. Në fshatin Kuç, gjatë kontrollit në automjetin me drejtues shtetasin Xh. J. dhe pasagjer shtetasin L. Z., shërbimet e Policisë kanë gjetur një sasi lënde të dyshuar narkotike cannabis sativa, e cila u sekuestrua në cilësinë e provës materiale.
Në vijim të veprimeve procedurale për këtë rast u referuan materialet në Prokurori dhe nisi procedimi në gjendje të lirë për shtetasin L. Z., 17 vjeç, pasi dyshohet se bashkëpunonte me shtetasin Xh. J., për shitjen e dozave të lëndëve narkotike, në zona të frekuentuara në qytet. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.
