Volodymyr Zelensky ka bërë thirrje për një takim ballë për ballë midis tij dhe Vladimir Putinit në një përpj...
AKTUALITET
Ja ku do të ngrihen dy burgje të reja/ Ministri Lamallari tregon prioritetet e buxhetit për vitin e ardhshëm
PiranjatPërditësimi i fundit 19 Nëntor 2025, 23:30
Ministri i Drejtësisë, Besfort Lamallari, prezantoi në Kuvend projekt-buxhetin e vitit 2026 për ministrinë që ai drejton. Në fjalën para deputetëve, Lamallari tha mes të tjerash se çdo shifër që prezanton është një reformë që vazhdon, një derë që hapet për qytetarin, një padrejtësi që korrigjohet, një standard europian që vihet në rrugën drejt Shqipërisë 2030 në BE.
14.96 miliard lekë që do të jenë në dispozicion të Ministrisë së Drejtësisë për vitin 2026, tha ministri Lamallari, do të përdoren për të realizuar objektiva të qarta dhe të matshme, si:
“• Konsolidimi i pavarësisë dhe efikasitetit të organeve të reja të drejtësisë dhe përmirësimi i kuadrit ligjor vendas në përputhje me atë të Bashkimit Evropian
* Shtimi dhe përmirësimi i ndjeshëm i shërbimeve publike ligjore,, më profesionale dhe më dinjitoze për çdo qytetar
* Forcimi i sistemit të drejtësisë për të miturit dhe rehabilitimi i tyre i orientuar drejt një të ardhme më të sigurt
* Ndihmë juridike falas, e aksesueshme për çdo qytetar në nevojë
Këto objektiva përputhen plotësisht me standardet evropiane dhe me objektivin e qartë të përmbushjes së kapitujve themelorë 23-24 të negociatave, tashmë të hapura plotësisht, në një kohë rekord”, u shpreh Ministri i Drejtësisë.
Lidhur me investimet në sistemin e burgjeve, Lamallari përmendi ndërtimin e IEPV Kukës dhe rikonstruksionin e IEPV Fushë Krujë. Për shërbimin e Kthimit dhe Kompensimit të Pronave janë parashikuar 2.83 miliard lekë për përshpejtimin e zgjidhjes së dosjeve të mbetura. Ndërkohë do të ketë rritje të burimeve njerëzore me 35 përmbarues gjyqësorë për të përshpejtuar ekzekutimin e vendimeve gjyqësore.
