Një incident ka ndodhur në ditën e 13-të të protestës kombëtare, ku raportohet se një person ka provokuar protestuesit...
AKTUALITET
Jo si “21 Janari” dhe tubimet e dhunshme partiake/ Protesta paqësore e qytetarëve që po sfidon pushtetin
PiranjatPërditësimi i fundit 13 Qershor 2026, 16:45
Tirana po përjeton protestat më të madhe të organizuara deri më tani! Për të 13-ën ditë radhazi shqiptarët dolën në shesh dhe kërkuan dorëheqjen e kryeministrit Edi Rama. Revolta qytetare është tanimë në nivele shpërthyese. Pamjet nga terreni tregojnë një pjesëmarrje masive, ndërsa qytetarët vijojnë marshimin me flamuj kombëtarë, pankarta dhe thirrje kundër qeverisë. Kërkesa kryesore e protestuesve mbetet dorëheqja e kryeministrit Edi Rama dhe largimi i qeverisë.
Ajo që bie më shumë në sy është fakti se protesta po zhvillohet pa incidente, pa dëmtime të pronës publike dhe pa përplasje me forcat e rendit. Në këtë aspekt, tubimi i sotëm paraqet një kontrast të fortë me disa nga protestat më të tensionuara të historisë politike shqiptare.
Ndryshe nga ngjarjet tragjike të 21 Janarit 2011, kur protesta përfundoi me humbjen e jetës së katër qytetarëve dhe me përplasje të forta para Kryeministrisë, marshimi i sotëm po karakterizohet nga qytetaria, organizimi dhe pjesëmarrja paqësore e cila është duke u ushtruar si demonstrim zemërimi ndaj qeverisë.
Shumë prej pjesëmarrësve janë të rinj, të cilët mobilizimin e kanë realizuar kryesisht përmes rrjeteve sociale. Ky është një brez që kërkon ndryshimin përmes pjesëmarrjes qytetare, komunikimit online dhe presionit demokratik, duke u distancuar nga format e dhunshme, praktika këto të partive politike të vjetra.
Marshimi i mijëra qytetarëve në zemër të Tiranës po shihet si një shembull se si mund të ndërtohet një revoltë qytetare masive pa tensione dhe pa incidente. Protestat janë kthyer në një nga ngjarjet më të komentuara të ditëve të fundit, ndërsa çdo ditë e më shumë sheshet po ushtojnë për dorëheqjen e Edi Ramës.
