Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Kadastra e Shkodrës legalizon një pronë sipër kolektorit, dy fqinjë në sherr me njëri-tjetrin! Breza: Ki kujdes djali
I.APërditësimi i fundit 27 Dhjetor 2024, 22:25
SHKODËR- Nëse mendoni se kjo që do iu tregojmë është një nga historitë e zakonshme me konflikte mes pronarësh të pretenduar, mund t’ju themi që gaboheni. Sepse përtej pretendimeve të këtij zotërie, problemi është më i thellë. Sepse vetë Agjencia Shtetërore e Kadastrës, Shkodër ka shkelur ligjin me dy këmbë duke legalizuar një objekt që ndodhet sipër kolektorit të qytetit.
Ndërkohë që konflikti mes dy fqinjëve është bërë edhe më i ashpër, sepse pasi ka legalizuar pronën, Gëzim Breza, ka kërcëbuar fqinjin e tij, Ardian Hysa, madje duke i përmendur dhe djalin. Ndërsa i ka vënë një kamer që kap çdo lëvizje në biznesin e tij, duke i cënuar dhe privatësinë.
Ada Selimi, e cila mban detyrën e përgjegjëses së legalizimit në Kadastrën e Shkodrës, e gjendur përballë mungesës së argumenteve, pohonte vazhdimisht vetëm diçka: Do thërras Policinë dhe do të shkoni në Gjykatë. Ndërkohë meqë ajo nuk e mbajti fjalën, shkuam ne në Prokurorinë e Shkodrës, ku depozituam një kallëzim ndaj Agjencisë së Kadastrës Shkodër.
Ndërsa në bisedën telefonike që patëm me kreun e ASHK-së Shkodër, Granit Korbi, firma e të cilit ndodhet në dokumentin e legalizimit, ky i fundit shprehet se kjo nuk është normale pasi nuk ndërtohet sipër kolektorit. Normale e dimë që nuk është, por do të ishte mirë të ishte përgjigjur për pyetjen që i bëmë, se përse u legalizua dhe se kush duhet të mbajë përgjegjësi.
Sidoqoftë, shpresojmë që përgjigjen do ta marim nga prokuroria e Shkodrës, e cila ka detyrën ligjore të zbardhë këtë skandal që nis dhe mbaron në dyert e kadastrës së Shkodrës./Piranjat.al
