Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
“Kali ishte i acaruar. Nxora thikën dhe e qëllova”, zbardhet dinamika e vrasjes në Berat. Ja veprimet që bëri i moshuari pas krimit deri në shpellë
PiranjatPërditësimi i fundit 29 Tetor 2025, 10:12
Pas arrestimit nga policia të autorit të vrasjes me thikë të 42-vjeçarit nga Tirana që kishte shkuar për vizitë në Kalanë e Beratit, Kristo Mema (alias Kontandin Hoxha), ka dëshmuar para policisë edhe arsyet e konfliktit banal që çoi në krimin e tij të dytë.
"Mos e prek kalin se është i acaruar sot", mësohet t’i ketë deklaruar i moshuari viktimës. Sipas autorit, pas këtij momenti, Keli Hoxha e ka sharë nga familja dhe e ka ofenduar.
Pas këtij momenti, siç deklaron i arrestuari, ka nxjerrë thikën nga samari i kalit dhe e ka goditur 42-vjeçarin që kishte shkuar bashkë me familjen për vizitë në Berat.
Më pas, ai deklaron së ka shkuar në banesë, ka lidhur kalin në kasolle, ka marrë disa ushqime dhe u fsheh në një nga shpellat e kalasë, për t’i shpëtuar policisë.
Ndërsa pranojnë se konflikti ka nisur për prekjen e kalit, familjarët e viktimës mohojnë që i afërmi i tyre ta ketë sharë të moshuarin.
Ngjarja e rëndë ndodhi rreth orës 15:30 të pasdites së djeshme në lagjen "Kala" në Berat.
Viktima Keli Hoxha, 42-vjeç,banues në Tiranë dhe lindur në Tropojë, nuk mundi dot ti mbijetojë plagëve të marra dhe gjeti vdekjen sapo mbërriti në Spitalin Rajonal Berat. Autori u arrestua rreth katër orë më vonë.
