Gjykata e Tiranës ka caktuar masën e sigurisë detyrim paraqitjeje për 18 persona të arrestuar gjatë protestave në Tiran&eum...
AKTUALITET
Kanosi me fjalë efektivin dhe dëmtoi mjetin e policisë, arrestohet 29-vjeçari në Fier, i gjendet kanabis në makinë
r.llPërditësimi i fundit 29 Qershor 2024, 17:05
arrestimi
FIER- Një 29-vjeçar është arrestuar në Fier, pasi ka kanosur me fjalë një oficer dhe ka dëmtuar automjetin e policisë. Sipas informacioneve, i riu ka dëmtuar automjetin e Policisë të Postës Kufitare Hoxharë, si dhe ka kanosur oficerin e Policisë që po drejtonte automjetin.
Gjithçka ka ndodhur pasi në Postën Kufitare Hoxharë nga Policia Kufitare ishte bërë bllokimi i një mjeti lundrues tip gomone në pronësi të shtetasit J. Xh., në të cilin ndodhej edhe 29-vjeçari. Në momentin që ka dëmtuar mjetin e Policisë, të riut iu gjet në makinën e tij një sasi e vogël lende të dyshuar narkotike, cannabis sativa.
NJOFTIMI I POLICISË:
Drejtoria Vendore e Policisë Fier
Komisariati i Policisë Fier arrestoi shtetasin:
-Sh. G., 29 vjeç, banues në fshatin Ndërmenas, për veprat penale “Kanosje për shkak të detyrës”, “Shkatërrimi i Pronës”, dhe “Prodhimi dhe shitja e lëndëve narkotike”.
Ky shtetas ka dëmtuar automjetin e Policisë të Postës Kufitare Hoxharë, si dhe ka kanosur oficerin e Policisë që po drejtonte automjetin, pasi në Postën Kufitare Hoxharë nga Policia Kufitare ishte bërë bllokimi i një mjeti lundrues tip gomone në pronësi të shtetasit J. Xh., në të cilin ndodhej edhe shtetasi Sh. G.
Në momentin që ka dëmtuar mjetin e Policisë, ky shtetas qarkullonte me automjetin e tij dhe shërbimet e Policisë gjatë kontrollit i kanë gjetur dhe sekuestruar një sasi të vogël lende të dyshuar narkotike, cannabis sativa.
