Një raport i ri ndërkombëtar mbi shtetin e së drejtës, i publikuar nga World Justice Project (WJP), e rendit Shqipërinë n&e...
AKTUALITET
Kapen duke punuar në shtëpi bari, arrestohet çifti shqiptar në Spanjë, si u zbuluan nga policia
b.zPërditësimi i fundit 5 Qershor 2024, 16:46
Shtëpia e barit
SPANJË - Një plantacion me bimë narkotike është zbuluar nga autoritetet në Spanjë, në qytetin Ador (Valencia), dhe në pranga kanë rënë një çift me origjinë shqipare. Mediat vendase shkruajnë se çifti përkatësisht të moshave 22 dhe 27 vjeç kujdeseshin për 809 bimë marijuanë me peshë më shumë se 177 kilogramë.
Si u zbuluan nga Policia?
Hetimet, të kryera nga agjentët e Brigadës së Policisë Gjyqësore Vendore të Komisariatit Kombëtar të Gandia, filluan hetimet pasi mësuan në fillim të muajit të kaluar se disa bimë marijuane po rriteshin në një shtëpi në qytetin e Ador. Policia vendosi një aparat survejimi në afërsi të pronës, duke verifikuar se prej saj dilte një erë e fortë karakteristike e kësaj lënde, krahas vëzhgimit të shenjave të tjera objektive që tregonin se brenda në vilë po rritej marijuanë. Po kështu, agjentët identifikuan një çift si banorët e zakonshëm të shtëpisë.
Më në fund, operacioni kulmoi me hyrjen e policisë në pronë dhe ushtrimin e kontrolleve që thuajse tërësisht i dedikohej kultivimit të bimëve të marijuanës. Brenda, efektivët ata lokalizuan tre plantacione në një fazë të avancuar kultivimi, si dhe instalime elektrike dhe hidraulike që u shërbenin atyre. Në total janë ndërhyrë 809 bimë marijuanë me peshë mbi 177 kilogramë.
Për të gjitha këto arsye, agjentët arrestuan çiftin shqiptar si autorë të dyshuar të një krimi kundër shëndetit publik dhe mashtrimit me energjinë elektrike. Të arrestuarit, pa dosje policore, janë vënë para drejtësisë dhe u urdhërua burgimi.
