Edi Rama ka rikthyer në vëmendje krizën e drejtimit të Bashkisë së Tiranës, ndërsa kryebashkiaku Erion Veliaj ndodhet ...
AKTUALITET
Këlliçi paralajmëron: Rama, Balluku dhe Veliaj do japin llogari – protesta vazhdon
PiranjatPërditësimi i fundit 17 Nëntor 2025, 19:13
Gjatë fjalës së tij në tubimin e sotëm, Belind Këlliçi deklaroi se përvoja e opozitës në vitet e fundit tregon se “foltorja do t’ia dalë sërish”. Ai përmendi dy precedentë që, sipas tij, dëshmojnë fuqinë e lëvizjes opozitare.
Këlliçi rikujtoi foltoren e parë të shtatorit 2021, periudhë në të cilën – sipas tij – Shqipëria rrezikonte të mbetej pa opozitë. Ai u shpreh se kjo lëvizje “riktheu shpresën në Partinë Demokratike” dhe arriti të “shpëtojë opozitën brenda tre muajsh”, duke kulmuar me Kuvendin e Rithemelimit në “Air Albania”.
Si precedent të dytë, ai përmendi zgjedhjet e 14 majit 2023, të cilat i cilësoi “më të pabarabartat në Shqipëri”. Sipas Këlliçit, kandidatët e opozitës garuan “pa fonde dhe pa minutazh mediatik”, por arritën të marrin 500 mijë vota.
Duke folur për protestat para Bashkisë së Tiranës që nisën në prill 2024, Këlliçi tha se opozita ka protestuar për 44 javë rresht, duke u përballur me “përbaltje dhe goditje”, por sipas tij, këto protesta sollën si rezultat “shoqërimin e Erion Veliajt në burgun e Durrësit”.
Ai theksoi se aksioni politik do të vazhdojë, duke deklaruar se “Belinda Balluku dhe Edi Rama do të shkojnë te miku i tyre, Erion Veliaj”. Këlliçi akuzoi mazhorancën se ka mohuar për dy muaj mocionin me debat dhe i quajti “rekord të paprecedentë” përjashtimin e Sali Berishës nga parlamenti për një deklaratë të bërë jashtë tij.
Në mbyllje, ai premtoi se opozita do të zbardhë të gjitha të vërtetat që, sipas tij, janë fshehur: “Do faktojmë vjedhjen monstruoze të tunelit të Palloshit të BB dhe vjedhjen e përditshme ndaj qytetarëve. Nuk do të ndalemi.”
