Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Kërkesa e PS-së për përjashtimin e Agron Shehaj nga Kuvendi, nesër mblidhet Sekretariati i Etikës
PiranjatPërditësimi i fundit 27 Korrik 2026, 16:40
Sekretariati për Procedurat, Votimet dhe Etikën do të mblidhet ditën e martë për të shqyrtuar kërkesën e Partisë Socialiste për marrjen e një mase disiplinore ndaj deputetit Agron Shehaj, pas incidentit të ndodhur në ambientet e Kuvendit me dokumentin e klasifikuar.
Partia Socialiste kërkon përjashtimin e Shehajt nga punimet e Kuvendit për 60 ditë, si edhe referimin e çështjes në Prokurorinë e Posaçme (SPAK). Sipas kërkesës së PS-së, gjatë shqyrtimit të marrëveshjes së huasë direkte mes Shqipërisë dhe Shteteve të Bashkuara të Amerikës për financimin e jashtëm ushtarak, deputetët ishin njoftuar se dokumenti përmbante informacion të klasifikuar dhe mund të konsultohej vetëm në ambientet e përcaktuara nga Kuvendi, pas nënshkrimit të deklaratës së konfidencialitetit.
Në kërkesë pretendohet se Agron Shehaj ka kërkuar të merrte me vete kopjen fizike të dokumentit, por është kundërshtuar nga stafi i Kuvendit. Më tej thuhet se ai e ka marrë materialin me forcë dhe është larguar, ndërsa një këshilltare e Kuvendit, e cila u përpoq ta rimerrte dokumentin, është rrëzuar nga shkallët dhe ka pësuar dëmtime. Sekretariati i Etikës pritet të shqyrtojë nesër kërkesën e socialistëve dhe të vendosë mbi masën disiplinore që do të merret ndaj deputetit Agron Shehaj./
