Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Kërkoi masë më të lehtë në Apel, Gjon Shkambi shpërthen në lot në gjykatën ku nipi vrau gjyqtarin
PiranjatPërditësimi i fundit 27 Tetor 2025, 11:48
Gjon Shkambi, xhaxhai i Elvis Shkambit që vrau me armë zjarri në sallën e gjyqit gjyqtarin Astrit Kalaja, shkoi në të njëjtën gjykatë këtë të hënë duke kërkuar një masë më të butë sigurie se ajo e arrestit me burg. Gjatë seancës, Shkambi ka shprehur keqardhje për ngjarjen dhe ka shpërthyer në lot në sallë.
“Jam i keqardhur për çfarë ndodhi, po ta dija do ta kisha parandaluar”, tha ai në sallën e gjyqit ndërsa priste lirimin nga qelia. Ndërsa prokuroria ka ngritur ndaj tij akuzën e vrasjes së mbetur në tentativë, Apeli la në fuqi masën e arrestit.
Prokurori vlerëson se Gjon Shkambi nuk reagoi dhe nuk kreu asnjë veprim dhe këtë e thotë bazuar në kamerat e sigurisë të instaluara në sallën e gjykatës ku dhe ndodhi krimi në datë 6 tetor 2025.
Apeli nuk ndryshoi masën as për Banush Koxhajn, për të cilën avokatja kërkoi masë më të butë sigurie me pretendimin se është i sëmurë.
“Klienti im është i sëmurë”, shtoi avokatja e cila tregoi se Koxhaj kishte qenë një punonjës i dedikuar por sidoqoftë i patrajnuar dhe kjo nuk ishte përgjegjësia e tij.
Koxhaj, punonjës sigurie në të njëjtën gjykatë nuk ka kreu kontrollet e nevojshme dhe nuk kaloi në dedektor për armën të akuzuarin për vrasjen Elvis Shkambi.
