Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Kishte thyer masën e sigurisë "arrest në shtëpi", arrestohet 27-vjeçari në Morinë
ZH.LLPërditësimi i fundit 9 Janar 2025, 11:06
morine
MORINË- Një 27-vjeçar është arrestuar në pikën e kalimit kufitar në Morinë. Nga verifikimet e kryera rezulton se i riu me iniciale L. L., kishte thyer masën e sigurisë "Arrest në shtëpi".
Blutë bëjnë më dije se i arrestuari ishte akuzuar për veprat penale “Mbajtja pa leje dhe prodhimi i armëve, armëve shpërthyese dhe municionit”, “Prishja e qetësisë publike” dhe “Kanosja”. Ndërkohë, veprimet e tjera procedurale do të kryhen nga DVP Tiranë.
Njoftimi:
PKK Morinë-Kapet nga shërbimet e Policisë Kufitare, një shtetas që kishte thyer masën e sigurisë “Arrest në shtëpi”.
Policia Kufitare ka vijuar punën për goditjen e paligjshmërive në kufi, për ndalimin e shtetasve që sinjalizohen të shpallur në kërkim dhe të atyre që tentojnë të hyjnë apo të dalin nga kjo pkk, në mënyrë të parregullt.
Në këtë kuadër, në PKK Morinë, u kap shtetasi L. L., 27 vjeç, banues në Tiranë, pasi nga verifikimet e kryera nga shërbimet e Policisë Kufitare, rezultoi se ishte aktualisht me masë sigurie “Arrest në shtëpi”, caktuar nga Gjykata e Shkallës së Parë e Juridiksionit të Përgjithshëm Tiranë, për veprat penale “Mbajtja pa leje dhe prodhimi i armëve, armëve shpërthyese dhe municionit”, “Prishja e qetësisë publike” dhe “Kanosja”.
Veprimet e tjera procedurale për këtë shtetas do të kryen nga DVP Tiranë.
