Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
KLSH gjen dobësi në menaxhimin e likuiditetit të qeverisë
n.fPërditësimi i fundit 4 Shkurt 2025, 16:09
TIRANË- Kontrolli i Lartë i Shtetit publikoi së fundmi rezultatet e një inspektimi të Bankës së Shqipërisë ku gjeti paaftësi të qeverisë (Ministrisë së Financave) për të menaxhuar likuiditetet në valutë.
“Për mjetet monetare në valutë (si monedha EUR e cila paraqitet me teprica të konsiderueshme likuiditeti sidomos pas marrjes së Eurobondit në muajin Qershor 2023) nuk është shfrytëzuar mundësia e investimit të tyre në depozitë nga ana e Ministrisë së Financave për të përfituar të ardhura nga interesi, në të njëjtën kohë kur mbajtja e këtyre valutave shoqërohet me kosto mbajtje” vëren KLSH.
Gjithashtu, sipas KLSH-sëm konstatohet se gjatë periudhës objekt auditimi kanë ekzistuar hapësirat dhe mundësitë për të investuar më shumë si në vlerë ashtu edhe në kohëzgjatje, me qëllim përfitimin maksimal nga kjo mënyrë menaxhimi e likuiditetit.
Për vitin 2023, llogaria “Rezerva e rivlerësimit të valutave” rezultoi me gjendje negative në 56,7 miliardë lekë. Ministria e Financave ka kthyer përgjigje mbi njoftimin për vlerën negative të llogarisë “Rezerva e Rivlerësimit të Valutave” dhe mbi kompensimin e titujve shtetëror të emetuar nga Ministria e Financave, jo në përputhje me afatin e përcaktuar në ligjin “Për Bankën e Shqipërisë” dhe në Marrëveshjen përkatëse.
KLSH sqaroi më tej në raportin e auditimit se nga verifikimi i rezervave, rekomandoi se Banka e Shqipërisë në bashkëpunim me Ministrinë e Financave të marrin masa për krijimin e hapësirave me qëllim nxitjen e mundësive mbi investimin e likuiditeteve në monedhë vendase dhe valuta të huaja në vlerë dhe në kohëzgjatje, jo vetëm përmes investimeve në depozitë, por edhe përmes instrumenteve të tjerë për menaxhimin e likuiditetit.
KLSH vëren se në kuadër të bashkëpunimit për menaxhimin e likuiditetit konstatohet se nga ana e Ministrisë së Financave dhe Ekonomisë, në bashkërendim me Bankën e Shqipërisë, nuk janë shfrytëzuar plotësisht dhe në mënyrë shteruese hapësirat, si në vlerë ashtu edhe në kohëzgjatje, për investimet në depozitë në monedhë vendase dhe valutë të huaj, me qëllim përfitimin maksimal nga kjo mënyrë menaxhimi e likuiditetit.
Nga auditimi konstatohet se gjatë vitit 2023 janë kryer 7 vendosje në depozitë e tepricës së likuiditeteve, në vlerë totale 58 miliard lekë si në tabelën ku përcaktohet vlera, data e valutës dhe data e maturimit, të cilat janë diskutuar në mbledhjet e KMBL për t’u depozituar si rezultat i tepricave në likuiditet në monedhën vendase.
Gjithashtu, konstatohet se përgjatë periudhës objekt auditimi kanë ekzistuar hapësirat dhe mundësitë për të investuar më shumë si në vlerë ashtu edhe në kohëzgjatje, me qëllim përfitimin maksimal nga kjo mënyrë menaxhimi e likuiditeti./ Monitor
