Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
U kapën me 40 kg drogë në Mirditë, arrestohen dy vëllezërit dhe një person tjetër/ Sekuestrohen 4 automjete dhe 5 celularë
PiranjatPërditësimi i fundit 15 Tetor 2025, 09:41
Tre persona janë vënë në pranga, mes tyre dy vëllezër, pas zbulimit të një sasie prej 40 kg kanabis në proces tharje në fshatin Shëngjergj, afër një banese të vjetër. Arrestimet janë bërë pas hetimeve të mëtejshme në kuadër të operacionit të koduar "Processing".
Të arrestuarit janë shtetasit me iniciale M. Z. dhe E. Z. (vëllezër) dhe A. R. Ata dyshohet se janë përgjegjës për kultivimin e kanabisit dhe prodhimin e lëndës narkotike me qëllim shitjen e saj, në bashkëpunim me shtetasit P. M. dhe K. P., të arrestuar një javë më parë. Operacioni i mëparshëm çoi në sekuestrimin e rreth 33.7 kilogramëve kanabis dhe asgjësimin e 220 bimëve narkotike të kultivuara në fshatin Shtuf, Mirditë.
Në kuadër të fazës së dytë të operacionit, u sekuestruan gjithashtu 4 automjete dhe 5 telefona celularë, të cilët dyshohet se janë përdorur nga autorët për kryerjen e veprimtarive kriminale.
Mirditë/Vijon operacioni policor i koduar “Processing”, për goditjen e veprimtarive kriminale në fushën e narkotikëve.
Nga hetimet janë identifikuar 3 shtetas, të dyshuar si bashkëpunëtorë me 2 shtetasit e arrestuar gjatë fazës së parë të operacionit, që u zhvillua 1 javë më parë.
Arrestohen 3 shtetasit (2 prej tyre vëllezër).
Sekuestrohen 40 kilogramë lëndë e dyshuar narkotike cannabis sativa, në proces tharjeje, 4 automjete dhe 5 celulare.
Si rezultat i hetimeve të kryera në kuadër të operacionit policor të koduar “Processing”, specialistët e Seksionit për Hetimin e Narkotikëve, në bashkëpunim me Seksionin e Mbështetjes Operacionale për Hetimin, të DVP Lezhë, kanë finalizuar fazën e dytë të këtij operacioni, për goditjen e veprimtarive kriminale në fushën e narkotikëve.
Nga hetimet janë identifikuar shtetasit M. Z. dhe E. Z. (vëllezër) dhe A. R., të cilët dyshohet se kanë kultivuar bimë narkotike dhe kanë prodhuar lëndë narkotike, me qëllim shitjen, në bashkëpunim me shtetasit P. M. dhe K. P., të arrestuar 1 javë më parë, në kuadër të fazës së parë të operacionit të koduar “Processing”, gjatë së cilës u sekuestruan rreth 33.7 kilogramë lëndë narkotike cannabis sativa, si dhe u asgjësuan 220 bimë narkotike të kultivuara në fshatin Shtuf, Mirditë.
Gjatë fazës së dytë, shërbimet e Policisë kanë gjetur afër një banese të vjetër në fshatin Shëngjergj, Mirditë, dhe kanë sekuestruar rreth 40 kilogramë lëndë të dyshuar narkotike cannabis sativa, në proces tharjeje, 4 automjete dhe 5 celulare që dyshohet se përdoreshin nga autorët për veprimtarinë kriminale.
Në përfundim të veprimeve hetimore u arrestuan në flagrancë shtetasit: A. R., 33 vjeç, banues në Mirditë; M. Z., 34 vjeç, banues në Mirditë; dhe E. Z., 38 vjeç, banues në Mirditë.
Operacioni policor i koduar “Processing” vijon, me qëllim identifikimin dhe kapjen e shtetasve të tjerë që mund të jenë të përfshirë në këtë veprimtari kriminale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Kultivimi i bimëve narkotike” dhe “Prodhimi dhe shitja e narkotikëve”, të kryera në bashkëpunim.
