Një ngjarje e rëndë është raportuar në bashkinë e Maliq, në zonën e Lozhanit.
Sipas informacioneve paraprake, gj...
AKTUALITET
Kreu disa grabitje në 2 javë, arrestohet 34-vjeçari në Lushnje, i dënuar edhe më parë për vjedhje
n.fPërditësimi i fundit 23 Maj 2024, 10:53
Foto ilustruese
LUSHNJË- Një 34-vjeçar është vënë në pranga në Lushnje. Mësohet se arrestimi i tij ka ardhur pasi 34-vjeçari ka kryer disa vjedhje në 2 javë.
Sipas njoftimit te policisë i arrestuari ishte i dënuar edhe më parë për vjedhje. Më tej bëhet me dije se ai gjatë 2 javëve të fundit ka vjedhur 1 motomjet, shuma parash, produkte ushqimore dhe celularë, në disa banesa dhe dyqane në fshatin Pluk.
Njoftimi;
Lushnjë/ Kreu disa vjedhje, gjatë 2 javëve të fundit, në fshatin Pluk, kapet dhe vihet në pranga 34-vjeçari, i dënuar më parë për të njëjtën veprimtari kriminale. Shërbimet e Komisariatit të Policisë Lushnjë, në vijim të punës për dokumentimin e rasteve të vjedhjes së pronës dhe pasurisë, bazuar dhe në kallëzimet e disa qytetarëve, për vjedhje të kryera ditët e fundit, kanë vënë në pranga shtetasin M. G., 34 vjeç.
Nga veprimet hetimore dyshohet se gjatë 2 javëve të fundit, ky shtetas ka vjedhur 1 motomjet, shuma parash, produkte ushqimore dhe celularë, në disa banesa dhe dyqane, në fshatin Pluk. Vijojnë veprimet hetimore për dokumentimin e vjedhjeve të tjera që mund të ketë kryer 34-vjeçari, i cili është dënuar më parë për veprën penale “Vjedhja”. Materialet procedurale i kaluan Prokurorisë, për veprime të mëtejshme.
