Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Credins bank kurorëzohet me çmimin më të rëndësishëm të vitit “Best Bank for Corporate Responsibility 2026&rdq...
AKTUALITET
Kriza prek blegtorinë, importet e bulmetit dhe mishit, rritje me ritme dyshifrore në janar-maj
PiranjatPërditësimi i fundit 27 Qershor 2023, 20:30
Importet e bulmetit dhe mishit janë rritur me shpejtësi vitet e fundit, si pasojë e mungesës së prodhimit vendas, që vjen nga tkurrja e numrit të krerëve në sektorin e blegtorisë. Nga ana tjetër, kërkesa për mish dhe bulmet po vjen në rritje nga viti në vit, si pasojë e rritjes së numrit të turistëve, të cilët kërkojnë të konsumojnë gatime të vendit që kanë si bazë të tyre mishin dhe bulmetin.
Të dhënat e INSTAT treguan se në janar-maj 2023 u importuan rreth 30 milionë euro mish me rritje 19% në raport me vitin e kaluar në të njëjtën periudhë. Importet e këtij grupi pësuan rritje edhe në sasi me rreth 15% në të njëjtën periudhe krahasimi. Për të njëjtat arsye janë rritur edhe importet e bulmetrave. Gjatë pesëmujorit, sasia e importeve të bulmetit u rrit me rreth 20%. Gjithsej u importuan 12 mijë tonë bulmet dhe vezë nga 10 mijë tonë më 2022. Importet e këtij grupi në vlerë në të njëjtën periudhë u rriten me 11%.
Bulmeti dhe mishi janë të vetmet produkte ushqimore që janë me rritje nga 20 grupet e ushqimeve. Importet e drithërave, sheqernave, vajit shënuan vijuan rënien si në vlerë dhe në sasi gjate 5-mujorit. Importet e sheqernave në sasi shënuan rënie vjetore me 36% në janar-maj 2023, vajrat vegjetale shënuan rënie me 28% dhe drithërat me 11% etj. Fragmentimi i tokës, kostot e larta të ushqimit, por më kryesorja, braktisja e fshatit po çojnë në rënie të shpejtë numrin e bagëtive në vendin tonë.
Në vitin 2021 numri i kafshëve të gjalla shënoi rënie me 7%, ndërsa në raport me vitin 2004 numri i tyre u përgjysmua. Gjatë vitit 2022 rënia ka vijuar edhe me tej. Tkurrja po ndodhe në fermat e vogla familjare me 2-5 krerë. Braktisja e fshatit dhe plakja e popullsisë po tkurr më shpejtësi fermat e vogla. Burimet zyrtare në Ministrisë e Bujqësisë pohuan se sektori i blegtorisë po shkon drejt konsolidimit nga ferma të vogla dhe mesme në ato të mëdhatë. Sipas të dhënave zyrtare nga Ministria e Bujqësisë numri i fermave që mbarështojnë më shumë se 5 lopë është reduktuar nga 4,250 (në vitin 2015) në më pak se 2800 në vitin 2020 , duke konfirmuar vështirësitë e fermerëve me rritjen e kostove të inputeve dhe ushqimit, koston e lartë të punimit të tokës dhe çmimin e ulët të qumështit.
Në zonat rurale të vendit, popullsia po plaket me shpejtësi, dhe banorët aktualë janë duke i shitur bagëtitë pasi nuk kujdesen dot për to. Nga ana tjetër vendi po përballet me një kërkesë në rritje për prodhime vendase si në mish dhe bulmet nga zhvillimet pozitive në turizëm./Monitor
