Detaje të reja janë zbardhur nga ngjarja e rëndë në Maliq. Mësohet se në momentin e arrestimit, autori Violand Braçe...
AKTUALITET
Kultivimi i lëndëve narkotike brenda zonës së pyllëzuar, arrestohet 36-vjeçari në Dibër, procedohen penalisht kryeplaku i fshatit Selishtë dhe specialisti i pyjeve
M.B.Përditësimi i fundit 30 Qershor 2024, 09:58
Foto nga vendi i ngjarjes
DIBRA- Një 36-vjeçar është vënë në pranga në Selitshtë të Dibrës, pasi dyshohet se brenda një zone të pyllëzuar, kishte kultivuar dhjetëra bimë kanabisi. Lidhur me rastin, janë proceduar penalisht për veprën penale “Shpërdorimi i detyrës”, kryeplaku i fshatit Selishtë dhe specialisti i pyjeve në këtë fshat.
Mësohet se bimët e kanabisit u asgjësuan me anë të djegies, si dhe janë sekuestruar në cilësinë e provës materiale, mjete të ndyshme pune që shërbenin në këtë aktivitet kriminal.
Njoftimi:
Dibër/Kontroll intensiv i territorit, në kuadër të planit operacional anticannabis, i koduar “Territor i pastër”.
Pas një hetimi proaktiv, kapet dhe vihet në pranga autori i dyshuar i një rasti kultivimi të bimëve narkotike, në fshatin Selishtë. Procedohen penalisht për veprën penale “Shpërdorimi i detyrës”, kryeplaku i fshatit Selishtë dhe specialisti i pyjeve në këtë fshat.
Asgjësohen dhjetëra bimë kanabisi dhe mjete pune që shërbenin për këtë aktivitet kriminal. Në zbatim të masave të përcaktuara në planin operacional kombëtar “Territor i Pastër”, për parandalimin, evidentimin dhe goditjen e tentativave për kultivim të bimëve narkotike, shërbimet e Komisariatit të Policisë Dibër, kanë intensifikuar kontrollet në terren, duke u bazuar në inteligjencën policore dhe në hetime proaktive.
Në këtë kuadër, si rezultat i një hetimi proaktiv i ndjekur prej disa muajsh, u godit një rast i kultivimit të bimëve narkotike dhe u arrestua në flagrancë shtetasi M.H., 36 vjeç, banues në fshatin Selishtë.
36-vjeçari, brenda një zone të pyllëzuar, kishte kultivuar dhjetëra bimë kanabisi, të cilat u asgjësuan me anë të djegies, si dhe janë sekuestruar në cilësinë e provës materiale, mjete të ndyshme pune që shërbenin në këtë aktivitet kriminal.
Gjithashtu, për këtë rast u referuan materialet në Prokurori, ku nisi procedimi penal për veprën penale “Shpërdorimi i detyrës”, për shtetasit H.L., kryeplaku i fshatit Selishtë dhe H.K., specialisti i pyjeve në këtë fshat.
Vijon puna për identifikimin, kapjen dhe nxjerrjen përpara përgjegjësisë penale, të bashkëpunëtorëve të tjetë, të përfshirë në këtë aktivitet kriminal. Materialet i kaluan Prokurorisë, për veprime të mëtejshme.
