Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Kushtetuesja bën bilancin, 97% e ankesave nga qytetarët, 3% nga organizatat dhe deputetët
PiranjatPërditësimi i fundit 18 Mars 2026, 18:31
Gjykata Kushtetuese
Gjykata Kushtetuese e Shqipërisë ka bërë publik këtë të mërkurë raportin e veprimtarisë për vitin 2025, duke pasqyruar një volum të lartë pune dhe dominim të kërkesave individuale.
Sipas të dhënave zyrtare, gjatë vitit që lamë pas, institucioni ka shqyrtuar në total 605 çështje, ku 501 janë depozituar rishtazi, ndërsa 104 të tjera janë trashëguar nga viti 2024. Nga këto, janë marrë 429 vendime, por vetëm një pjesë e tyre kanë përfunduar me shqyrtim të plotë.
Raporti tregon se 85 vendime kanë qenë përfundimtare, ndërsa shumica dërrmuese, 344 raste, janë mbyllur pa kaluar në shqyrtim gjyqësor. Për çështjet që kanë arritur në vendim përfundimtar, gjykatës i janë dashur mesatarisht rreth 8 muaj, ndërsa për rastet e refuzuara koha e shqyrtimit ka qenë dukshëm më e shkurtër, rreth 3 muaj.
Një tjetër element domethënës është profili i kërkuesve. Plot 97% e kërkesave janë paraqitur nga individë, ndërsa vetëm 3% vijnë nga aktorë institucionalë apo politikë, si organizata, deputetë, gjykata apo Presidenti.
Për sa i përket natyrës së çështjeve, pjesa më e madhe, rreth 75%, lidhet me kundërshtimin e vendimeve të gjykatave të zakonshme. Ndërkohë, pjesa tjetër përfshin çështje që kanë të bëjnë me kushtetutshmërinë e ligjeve, mbrojtjen e të drejtave themelore, konfliktet e kompetencave dhe kontrollin mbi aktet e pushtetit publik.
