Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Ky është 53-vjeçari llapjan që kërkohet nga policia për laboratorin e drogës në Podujevë, ku u arrestuan 7 persona nga Shqipëria
PiranjatPërditësimi i fundit 12 Tetor 2025, 11:04
Policia e Kosovës po vijon kërkimet për Arsim Malokun rreth 53-vjeçar nga Podujeva, i dyshuar si organizatori dhe pronari i laboratorit të drogës që u zbulua dje në fshatin Shtedim, ku u sekuestruan sasi të mëdha të marihuanës dhe pajisje për përpunim të saj.
Maloku, rezulton të ketë qenë në arrati gjatë operacionit policor, ndërsa bastisja në shtëpinë e tij ka u zbuluan dy pasaporta – një të Republikës së Kosovës dhe një të Serbisë, që sipas hetuesve i përkasin vetë të dyshuarit.
Në laboratorin e zbuluar në bodrumin e shtëpisë u gjetën rreth 79 kilogramë marihuanë (të gatshme dhe të papërpunuara), pajisje për tharje, ventilim e paketim, si dhe peshore elektronike profesionale.
Në aksionin e djeshëm, policia arrestoi 7 shtetas të Shqipërisë, të cilët u kapën në flagrancë duke përgatitur substancën narkotike për shitje:
Aleks Vizani rreth 43-vjeçar, Murat Murati rreth 65-vjeçar, Marge Cane rreth 63-vjeçar, Pavlina Vizani rreth 46-vjeçare, Luljeta Braushaj rreth 45-vjeçare, Kasandra Hamzaj rreth 24-vjeçare dhe Teuta Mersini rreth 52-vjeçare
Me urdhër të Prokurorit të Krimeve të Rënda, të arrestuarit janë dërguar në paraburgim për 48 orë.
Sipas burimeve të Gazetës Sinjali, Arsim Maloku konsiderohet figura kyçe që kishte vënë në dispozicion objektin ku funksiononte laboratori i drogës dhe tashmë ndaj tij pritet të lëshohet urdhër-arrest vendor dhe ndërkombëtar, në rast se nuk dorëzohet.
