Ylli Zalla, i shpallur në kërkim për posedim të një arsenali armësh dhe i dyshuar për përfshirje në atentatin e R...
AKTUALITET
Lala: Ilir Proda e kriminalizoi policinë! Kishte dhënie gradash të pamerituar, presion dhe frikë te efektivët
PiranjatPërditësimi i fundit 11 Prill 2026, 17:32
Gazetarja Klodiana Lala ka komentuar emërimin e drejtorit të ri të Policisë së Shtetit, Skënder Hita, duke theksuar se ai ishte prej kohësh emri më i përfolur për këtë post.
Sipas saj, Hita do të ketë nevojë për një periudhë 1 deri në 3 muaj për të kuptuar situatën reale në institucion dhe sfidat e trashëguara nga paraardhësi i tij, Ilir Proda.
E ftuar në emisionin “Kjo javë”, Lala u shpreh se Policia e Shtetit ka qenë nën një presion të madh, duke përmendur dhënie gradash të pamerituara dhe një klimë frike brenda radhëve të efektivëve.
Ajo theksoi se drejtori i ri duhet të ndërtojë një ekip të besueshëm për sektorët kyç, si ai operacional dhe krimi kibernetik, ndërsa një tjetër sfidë mbetet garantimi i proceseve të drejta dhe ligjore, pasi sipas saj konkurset shpesh kanë qenë fiktive.
Gazetarja kërkoi gjithashtu depolitizimin e policisë dhe rritjen e standardeve të punës, duke sugjeruar pajisjen e efektivëve me kamera trupore dhe krijimin e strukturave të posaçme për të shmangur dekonspirimin e operacioneve.
Klodiana Lala: Unë e thashë dhe më herët, duket iu referuar dhe burimeve, se zoti Skënder Hita ishte emri më potencial për t’u zgjedhur drejtor i Policisë së Shtetit. Zotit Hita do t’i duhet 1-3 muaj për të parë se si është grahmat e fundit. Paraardhësi i tij ishte zoti Proda. Unë kam folur për këtë personazh, ai është i larguar. Policia ishte në një presion të jashtëzakonshëm. Kishte dhënie gradash në mënyrë të pamerituar, kishte frikë te policia. Kishin frikë për të pirë një kafe miqësore me dikë. Ai do të duhet të gjejë emrat e besuar për të drejtuar një sërë sektorësh. Operacionalen, krimi i kibernetikës.
Zoti Hita duhet të marrë garanci ligjore, pasi konkurset janë fiktive. Ai do të duhet të bëjë një polici larg politikës. Atij i duhen garancitë ligjore. Duhet të bëhen konkurse reale, jo fiktive, të bëjë ndryshime ligjore. Punonjësit e policisë duhet t’u jepet autoriteti, mos të sillen si banditë në rrugë. Do të duhet të pajisjen me kamera trupore, do të duhet të kenë strukturë të posaçme për ta, pasi ka pasur incidie nga prokuroria se shumë operacione janë dekonspiruar. Ka shumë sfida që ka përpara. Do të duhet të marrë garanci ligjore dhe të prezantohet nga zyrtarë me integritet, qoftë dhe në përballje me mediat. Ilir Proda e kriminalizoi policinë.
