Shqiptarët paguajnë për karburant, makina, banka dhe prona, por kur vjen puna te sigurimi i jetës, shëndetit apo pensioni privat, kul...
AKTUALITET
Lëvizte i armatosur me pistoletë në makinë, arrestohet 30-vjeçari në Sarandë
PiranjatPërditësimi i fundit 24 Prill 2026, 15:53
Policia ka arrestuar një 30-vjeçar në qytetin e Sarandës, pasi lëvizte i armatosur me pistoletë në makinë. Në kuadër të kësaj është sekuestruar arma e zjarrit pistoletë, një krehër me fishekë dhe automjeti.
Ndaj 30-vjeçarit, banues në Vlorë, rëndon akuza për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Njoftimi i policisë:
Sarandë/ Lëvizte me automjet, i armatosur me pistoletë, kapet në flagrancë dhe vihet në pranga 30-vjeçari. Sekuestrohen arma e zjarrit pistoletë, një krehër me fishekë dhe automjeti.
Në vijim të kontrolleve intensive dhe punës së pandërprerë për parandalimin dhe goditjen e veprimtarisë kriminale të armëmbajtjes pa leje, shërbimet e Komisariatit të Policisë Sarandë kanë siguruar informacion për një shtetas që lëvizte i armatosur, në qytet.
Bazuar në këto informacione, në orët e para të mëngjesit, në lagjen nr. 4, shërbimet e Policisë kanë lokalizuar dhe ndaluar automjetin me drejtues shtetasin e dyshuar, D. Z.
Gjatë kontrollit fizik ndaj tij dhe kontrollit në automjet, shërbimet e Policisë gjetën 1 armë zjarri pistoletë dhe një krehër me fishekë për të, të cilat u sekuestruan në cilësinë e provës materiale, bashkë me automjetin.
Në përfundim të veprimeve, drejtuesi i automjetit, shtetasi D. Z., 30 vjeç, banues në Vlorë, u arrestua në flagrancë për veprën penale “Mbajtja pa leje dhe prodhimi i armëve, armëve shpërthyese dhe i municionit”. Materialet procedurale iu referuan Prokurorisë së Sarandës, për veprime të mëtejshme.
