Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
AKTUALITET
"Mark Samson ishte person i sjellshëm", flet dentisti që jetonte pranë banesës ku u vra Ilaria Sula: E njihja 22-vjeçaren, ishte si kukull! Ajo që ndodhi është absurde
n.fPërditësimi i fundit 2 Prill 2025, 20:54
ITALI- Vrasja e 22-vjeçares shqiptare, Ilaria Sula në Itali ka tornditur vendin si dhe personat që e njihnin atë. Një dentist i cili jeton pranë banesës ku u vra shqiptarja dhe që e njihte viktimën është shprehur se 22-vjeçarja dhe autorin ishin një çift i afërt. Ai e ka përshkruar autorin, Mark Samson si një person të qetë dhe të sjellëshm. Sipas tij ai e ka takuar të hënën e kaluar të riun jashtë zyrës së tij dhe ishte shumë i qetë.
“Ajo dukej si kukull. Një çift i lidhur ngushtë. Ai, Marku, ishte i mirë, i qetë, i qeshur, i sjellshëm. E pashë të hënën e kaluar jashtë zyrës sime. Ai ishte i qetë si kurrë më parë. E kam njohur edhe vajzën, e kam vizituar shumë herë, e fundit para disa muajsh. Ajo që ndodhi është absurde,” u shpreh doktor Giovanni Spanò.
Ai theksoi se autori jetonte me prindërit e tij dhe vajza e frekuentonte këtë shtëpi prej vitesh. Sipas tij kishte kohë që nuk e kishte parë atë në këtë banesë.
“Për vite të tëra, të gjithë qytetarët filipinas kanë jetuar në atë ndërtesë, ata janë shumë të qetë dhe të integruar në mënyrë perfekte me lagjen. Ajo që ndodhi është e tmerrshme” përfundon dentisti, i cili ka pasur si paciente Ilarian.
