Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Marrëveshja për emigrantët, Rama: Nuk pendohem, do e bëja 100 herë me Italinë
PiranjatPërditësimi i fundit 13 Nëntor 2025, 16:14
Kryeministrja italiane, Giorgia Meloni dhe kryeministri shqiptar, Edi Rama, zhvilluan një konferencë të përbashkët për marrëveshjen mbi emigrantët. Meloni tha se në Europë ka një grup që diskutohet mbi fluksin e migracionit dhe se disa vende përpiqen të adaptojnë nisma të ngjashme.
“Kjo është një nismë revolucionare,” u shpreh ajo, duke shtuar se protokolli do të funksionojë plotësisht kur të miratohet marrëveshja e re për azilin. Meloni theksoi se të gjithë aktorët duhet të marrin përgjegjësitë e tyre, edhe nëse disa transferime emigrantësh janë bllokuar për arsye të ndryshme.
Nga ana e tij, Rama theksoi se marrëveshja me Italinë për emigrantët është e drejtë dhe e dobishme për të dy vendet. “Si mund të pendohen për marrëveshjen për emigrantët? Këto projekte i shërbejnë mirë jo vetëm Shqipërisë, por edhe Italisë,” tha ai. Rama shtoi se bashkëpunimi me Italinë në fushën e mbrojtjes sjell përfitime edhe ekonomike për të dy vendet.
“Italia mund t’i kërkojë Shqipërisë çfarë të dojë, dhe ne përgjigjemi ‘po. Me vende të tjera, i respektojmë kërkesat, por nuk mund të kërkojnë çfarë u vjen në mendje,” përfundoi kryeministri.
