TIRANË- Ambasada amerikane në Tiranë ka publikuar së fundmi një mesazh të rëndësishëm për qytetarët n&e...
AKTUALITET
Masakra e Lushnjes, Altin Dumani: Ka prova ligjore, dënimi të lihet në fuqi. Avokati: Të shpallet i pafajshëm
I.APërditësimi i fundit 13 Nëntor 2024, 11:10
Laert Haxhiu
TIRANË- Seanca gjyqsore ndaj Laert Haxhiut po vijon në Apelin e Gjykatës së Posaçme. Avokati i Haxhiut Detar Hysi ka deklaruar se nuk ka asnjë provë që klienti i tij është autori i vrasjeve. Ndërkohë që ka theksuar se Apeli duhet ta shpallë të pafajshëm Haxhiun.
Por kjo është kundërshtuar nga prokurori Altin Dumani, i cili ka theksuar se ka prova ligjore dhe se vendimi i shkallës së parë është i drejtë.
Avokati Hysi: I kërkoj gjykatës të zbardhë të vërtetën për ngjarjen në Lushnjë. Laert Haxhiu nuk ka lidhje me vrasjen e dy personave. Po ashtu, i kërkoj gjykatës ta ndryshojë vendimin dhe të shpallë të pafajshëm Laert Haxhiun. Nëse, nuk nuk jep pafajësi dosja të rishikohet edhe një herë në gjykatën e Shkallës së Parë.
Altin Dumani: Vendimi i Shkallës së Parë është vendim i drejtë! Ka prova ligjore, janë trajtuar prova nga ana e prokurorisë. Ka vlerësuar provat e mbledhura. Gjykata iu është referuar pamjeve të karburantit, por jo pamjeve filmike që ka sjellë babanë e një prej viktimave. Po kështu, pamjet filmike janë pamje të sekuestruara nga OPGJ. Nuk ka vend për dyshime për vërtetësinë e provës. Lidhur me pamjet filmike janë pyetur dëshmitarë.
