Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
Mashtroi aksionerët për përfitimin e mbi 1 milion eurove/ Apeli liron nga masa e arrestit Elisabeta Dostin
PiranjatPërditësimi i fundit 24 Dhjetor 2025, 14:31
Gjykata e Apelit ka liruar nga arresti i shtëpisë përkundrejt garancisë pasurore, biznesmenen Elisabeta Dosti.
Dosti u dënua nga Gjykata me masën ‘arrest shtëpie’, nën dyshimin se kishte përvetësuar dhe transferuar në mënyrë të paligjshme pasuritë e një shoqërie të privatizuar, duke përfituar mbi 1 milion euro ndaj aksionerëve të tjerë, por Apeli ka vendosur të heqë masën e arrestit të caktuar ndaj saj.
Sipas Prokurorisë, Elisabeta Dosti në vitin 2013, si përfaqësuese ligjore e shoqërisë “Prodhim Veshje nr.02” sh.a, ka transferuar në mënyrë të paligjshme të gjitha pasuritë e paluajtshme të shoqërisë, toka dhe ndërtesa, tek një tjetër kompani, e cila në atë kohë i përkiste 100% asaj.
Pas transferimit të pasurive, Dosti ka zhvendosur pronësinë e kuotave të kompanisë në fjalë për të fshehur origjinën e paligjshme të kapitalit.
Sipas prokurorisë, pasuritë e paluajtshme janë shfrytëzuar për qira dhe shitje, duke sjellë përfitime me miliona euro, ndërsa aksionarët e tjerë të shoqërisë “Prodhim Veshje nr.02”, kryesisht pensionistë dhe ish-punonjës, janë përjashtuar nga këto përfitime.
Sipas organit të akuzës transferimi i pasurive është kryer jo vetëm mbi bazën e dokumenteve të falsifikuara, por edhe përmes akteve të tjera të paligjshme, me qëllim dëmtimin e interesave të aksionarëve në minorancë.
