Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"Mbajnë lidhje me grupet kriminale jashtë qelive"/ Drejtoria e Burgjeve kërkesë SPAK: 15 të burgosur të futen në regjimin 41 biss
r.llPërditësimi i fundit 2 Shtator 2024, 20:31
foto ilustruese
TIRANË- Me konstatimin se tentuan të mbajnë lidhje me anëtarë të grupeve kriminale jashtë qelive duke dhënë urdhra, Drejtoria e Përgjithshme e Burgjeve i ka kërkuar SPAK-ut të fusë në 41 biss 15 të dënuar.
Emrat e tyre mbahen sekret nga institucionet derisa të vlerësohen të dhënat e gjurmuara mbi aktivitetin e të burgosurve, për të cilët burgjet janë të bindur se janë të rrezikshëm dhe nuk mjafton burgu i sigurisë së lartë për ta por që duhen super burgosur dhe super kontrolluar.
Kjo kërkesë po shqyrtohet nga SPAK e cila në rast se do të bindet për mbylljen e tyre në regjimin e ashpër do ta kalojë këtë listë pranë ministrisë së drejtësisë për ta aprovuar.
Shtatë të burgosur po e vuajnë aktualisht regjimin e ashpër 41 biss, kopjuar nga modeli italian i aplikuar ndaj grupeve mafioze atje. Nën regjim të ashpër në Shqipëri po mbahen Ilir Kupa, Sokol Mjacaj, Aldo Hoxha, Anterio Kaloshi, Fatmri Pjetri, Nikolin Topalli dhe Erjon Veizaj. Që të gjithë janë në Peqin.
Nga dy regjime, funksional është vetëm Peqini, sepse 41 bissi këtu pranë 313 u mbyll dhe ka kaluar në strehë për të penduarit dhe dëshmitarët e drejtësisë, që të gjithë rrëfimtarë të SPAK./TCH
