Aktivisti Edison Lika ka bërë një bilanc të 100 ditëve të protestës, ndërsa ka paralajmëruar vijimin e aksionit q...
AKTUALITET
“Mjekja estetiste e reklamuar nga Kryeministri më la me pasoja të rënda”/ Gazetarja poston fotot: Humba punën dhe pata dëm psikologjik!
PiranjatPërditësimi i fundit 1 Shkurt 2026, 19:19
Gazetarja e njohur Ujeza Doshlani ka denoncuar sot një rast tepër të rëndë, sesi një mjeke estetiste i kreu një trajtim, i cili i shkaktoi plagë të parikuperueshme në fytyrë.
Ky fakt bëhet akoma më tronditës pasi bëhet fjalë për mjeken që sot ishte e ftuar nga kryeministri Rama në 'Podcastin' që ai zhvillon çdo të djel.
Dhe pse Rama promovoi klinikën e mjekes estetiste dhe u bë dhe këshillues sesi duhet të kujdesemi për trajtime estetike, pas kësaj historie qëndron diçka mjaft e rëndë.
Gazetarja Doshlani shkruan në rrjetet e saj sociale se këto plagë të krijuara nga trajtimet që i dha mjekja i krijuan jo vetëm dëm psikologjik, por dhe pezullimin nga puna duke qënë se i duhej të dilte në ekran dhe me gjendjen që ishte, kjo u bë e pamundur.
Po ashtu gazetarja shkruan se nuk mori asnjë përgjigje nga klinika dhe këtu filloi dhe një situatë akoma më e rënduar për gjendjen e saj psikologjike.
''Askush nuk ka të drejtë t'i shkaktojë një personi dëmtime permenente në fytyrë. Asnjë trajtim estetik nuk justifikon djegie, plagë dhe pasoja të përjetshme'', shkruan gazetarja.
Në fund ajo shkruan se askush nuk ja kthen dot kohën pas dhe askush se shëron dot traumën që ka kaluar. /PiranjatNews
