Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
Mjeku: E vërteta tronditëse për origjinën e koronavirusit dhe vdekja misterioze e shkencëtarit
PiranjatPërditësimi i fundit 5 Shkurt 2026, 09:51
I ftuar në studion e ‘Kafe Shqeto’ në Syri TV me Flavio Qarrin, mjeku kardiokirurg Edvin Prifti, një figurë e njohur për qëndrimet e tij kritike gjatë pandemisë së COVID-19, ka zbuluar prapaskenat që e shtynë të kundërshtonte narrativën zyrtare që në momentet e para të krizës globale shëndetësore.
Sipas tij, informacioni që ai zotëronte sugjeronte që në dhjetor të 2019-ës se virusi kishte shenja të një ndërhyrjeje artificiale. Duke folur për betejën e tij publike, doktor Prifti theksoi se pozicionimi i tij nuk ishte i rastësishëm, por i bazuar në të dhëna të siguruara përmes një rrjeti ndërkombëtar shkencëtarësh, me të cilët ai mbante kontakte të vazhdueshme.
Ai shpjegoi se si pjesë e një komuniteti të vogël por elitar kërkuesish shkencorë, ai kishte akses në informacione që nuk ishin të disponueshme për publikun e gjerë.
Në qendër të këtij rrjeti informativ ishte lidhja e tij me profesorin e ndjerë kanadez, Frank Plummer, i përshkruar nga Prifti si “shkencëtari numër një i koronaviruseve në botë”. Prifti përmendi se Plummer, me të cilin kishte bashkëpunuar vite më parë në Toronto, u gjet i vdekur në rrethana misterioze në një hotel në Nairobi në fillim të vitit 2020. Ishte pikërisht Plummer ai që e kishte përfshirë mjekun shqiptar në një listë komunikimi ku shkëmbeheshin të dhënat më të fundit në kohë rekord.
Edvin Prifti: Mbase, ju më bëtë një pyetje, a i festoni fitoret? Po, fitorja është kur shpëton një jetë. Po atë e festoj. Kënaqem, shkoj në shtëpi i kënaqur, ashtu sikurse dhe i hidhëruar kur nuk e fitoj atë betejë dhe beteja është me vdekjen. Dhe padyshim që ne e kemi për detyrë në kultivimin tonë si mjek, duhet të jetë pjesë e kultivimit të një mjeku që të luftojë kundër vdekjes dhe të luftojë për jetën, për ta fituar atë dhe sigurisht edhe në një situatë globale, pandemike, me problematikat e saj, çdo mjek, nga më i thjeshti deri te më i evoluari dhe më i nxëni, më i dituri, duhet të japi kontributin, kontributin e tij, për të fituar qoftë edhe një jetë më shumë. Kush, kush shpëton një jetë, ka shpëtuar botën.
Shiko, unë jam marrë shumë, merrem shumë me kërkimin shkencor, në 30 vjet eksperiencë, edhe jashtë vendit, kam fituar çmime shumë të rëndësishme në lidhje me këtë fushë dhe neve kemi një komunitet, është një komunitet botëror ëh i kufizuar, nuk janë shumë njerëz dhe sigurisht që neve kemi shkëmbime informacione të herëpashershme. Dhe unë që në fillim kisha informacion që këtu kishte një diçka problematike.
Për më tepër edhe 25 vjet përpara unë jam marrë, kam fituar edhe një çmim bashkë me dy kolegë të tjerë, ndër të cilët më kryesori më pas u bë rektor i Universitetit të La Sapiencës, ku unë kam, kam studiuar dhe jam marrë pikërisht me terapinë gjenetike kirurgjikale. Për aq sa më takonte mua për zemrën, shumë e ngjashme me terapinë gjenetike që u improvizua si vaksinë më pas. Dhe që në atë kohë unë kisha informacion në bazë të kontakteve që kisha me disa personalitete, sidomos më kryesori që sot nuk jeton më. E gjet i vdekur në rrethana misterioze në një hotel në Nairobi. Sot ka edhe bustin përballë qendrës ku ai punonte në Winnipeg laboratori në Ontario, profesor Frank Plummer, i cili ishte që nga viti 2011, ishte shkencëtari numër një i koronaviruseve në botë. Me të cilin unë kisha bashkëpunuar në vitin 2003-2004 kur punoja në Toronto, dhe kishim pikërisht këto projekte të biologjisë molekulare për terapinë gjenetike kirurgjikale, që ishte ai personi që ishte interlokutori me kardiokirurgjinë. Dhe unë kisha kontakte dhe kë do pyesja?
Kur shikonim, kur shikonim këta njerëz të cilët prisnin në stacionet e autobusit në Vuhan dhe binin në tokë, unë do pyesja pikërisht atë dhe unë ndodha rastësisht në këto komunikime. Ai më futi në një listë e-mail, ku neve komunikoheshim dhe unë merrja informacion në kohë rekord, në kohë rekord.
Bile më mbahet mend që kur në dhjetor kur u identifikua për herë të parë materiali gjenetik i koronavirusit në dhjetor të vitit 2019, një grup studimor indian, mua më erdhi materiali dhe ata hidhnin idenë që, jo hidhnin idenë, por kishin vërtetuar që në koronavirus ishin një segment i furinës, dhe segmenti i furinës nuk është tipik për koronaviruset, por është për AIDS-in. Dhe që aty dhe që aty ata hodhën idenë që ky ishte një interpozicion gjenetik artificial i prodhuar në mënyrë inxhinierike. Dhe ky, ky artikull, ky studim ka qëndruar vetëm për katër orë. Mbas katër orësh u zhduk menjëherë nga interneti dhe unë e kam atë sepse arrita e shkarkova.
