Grupi Parlamentar i Partisë Demokratike ka kërkuar zhvillimin e një mocioni me debat mbi raportin e Komisionit Evropian për Shqipërin...
AKTUALITET
Morën peng biznesmenin/ Lihen në burg tre të rinjtë: Na kishte boxh 60 milionë lekë
PiranjatPërditësimi i fundit 16 Prill 2026, 13:04
Gjykata e Tiranës ka lënë në burg dy vëllezërit Jurgen dhe Kevin Neza dhe kushëririn e tyre Hysen Neza, të cilët morën peng dhe dhunuan ndërtuesin Florjan Sula më 30 Mars të këtij viti.
Të ndaluarit nuk kanë folur në sallën e gjyqit, por avokati i tyre mbrojtës ka pretenduar se ata nuk e kanë marrë peng Sulën, por ky i fundit i kishte atyre një borxh 60 milionë lekë dhe se e morën me automjet për tu sqaruar.
Avokati ka pretenduar se të mbrojturit prej tyre kur kanë konstatuar se Florjan Sula ka qenë në pamundësi financiare për ti kompensuar shumën e parave e kanë lënë të lirë.
Njëri prej tyre theksoi mbrojtja është vetëdorëzuar pasi mësoi që ishte në kërkim, ndërsa dy të tjerët kanë qenë në momente depresioni dhe nën efektin e lëndëve narkotike, por nuk paraqiti dokumentacion në gjykatë për ta vërtetuar këtë pretendim.
Tre të arrestuarit pak ditë më parë, u prezantuan si agjentë të BKH dhe rrëmbyen 32-vjeçarin të cilin e mbajtën për disa orë peng në një subjekt privat.
Sipas hetimeve paraprake, tre të rinjtë rrëmbyen, dhunuan dhe i kërkuan Florjan Sulës 1 milionë euro në këmbim të lirimit të tij.
Sula i premtoi tre personave se do t’u jepte një shumë prej 500 mijë euro, por biznesmeni pas lirimit denoncoi rastin në polici.
Shkak dyshohet të jenë konfliktet për call centrat.
