Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Motra e Fredi Lamajt: Akuzat ndaj vëllait tim janë të rreme, kam depozituar kallëzim penal për përndjekje
PiranjatPërditësimi i fundit 16 Janar 2026, 14:46
Një ngjarje e rëndë dhune ka ndodhur disa ditë më parë, në fshatin Vjosë, njësia administrative Cakran, bashkia Fier, ku babë e bir, Ylli dhe Altin Meçe, janë sulmuar brutalisht nga tre persona.
Sipas dëshmisë së Altin Meçes për Syri TV, një nga sulmuesit është identifikuar si Fredi Lamaj, ndërsa një tjetër ka lidhje me punonjës policie.
Ngjarja ka nisur pas një konflikti të lidhur me një “like” në Facebook. Motra e Fredi Lamajt ka dalë publikisht për të sqaruar një sërë akuzash të shpërndara në media gjatë ditëve të fundit, të cilat sipas saj, janë të pavërteta. Ajo thekson se vëllai i saj nuk ka qenë pjesë e asnjë dhune apo konflikti dhe ka depozituar kallëzim penal ndaj një shtetasi që e ka ngacmuar në mënyrë të vazhdueshme.
Në një deklaratë të bërë për media, motra e Lamajt sqaron se shtetasi Altin Mecaj ka dhënë informacion të pavërtetë, duke e paraqitur vëllain e saj si agresor dhe vetë si viktimë.
Ajo thekson se komunikimi nga ana e tij ka qenë njëanshëm, përmes mesazheve private të vazhdueshme, të cilat përbëjnë ngacmim dhe përndjekje.
“Kam qenë e detyruar të vij nga Italia, ku jetoj, për të depozituar kallëzim penal për përndjekje ndaj këtij shtetasi, pasi veprimet e tij kanë sjellë pasoja të rënda në jetën time dhe kanë prekur edhe vëllain tim,” shprehet ajo.
Motra e Lamajt sqaroi gjithashtu se pretendimet e fundit për dhunë nuk kanë asnjë lidhje me familjen e saj dhe nuk janë shkaktuar nga vëllai apo persona të afërt.
Ajo kërkon trajtim të qetë dhe të paanshëm të çështjes, me respekt për ligjin dhe dinjitetin njerëzor.
Kjo është hera e parë që flas publikisht dhe në media, dhe po e bëj vetëm sepse ndihem e detyruar të sqaroj disa të pavërteta që po përsëriten prej ditësh.
Unë jam motra e Fredi Lamaj dhe dua të sqaroj se akuzat e shtetasit Altin Mecaj, sikur vëllai im e ka dhunuar, nuk janë të vërteta. Fredi Lamaj nuk ka marrë pjesë në asnjë rrahje apo konflikt, dhe kjo mund të faktohet.
Po flas sepse prej më shumë se 6–7 ditësh ky shtetas po del vazhdimisht në media, duke dhënë deklarata të pavërteta dhe duke u paraqitur padrejtësisht si viktimë.
Në mënyrë të veçantë, ai ka deklaruar publikisht se ndaj meje ka bërë vetëm një koment në Facebook, si një kompliment, gjë që nuk është e vërtetë. Në realitet, unë kam qenë subjekt i mesazheve të shumta private, të vazhdueshme dhe insistuese, të cilat përbëjnë ngacmim dhe përndjekje.
Dua të theksoj qartë se nga ana ime nuk ka pasur asnjë përgjigje ndaj këtyre mesazheve. Nuk kam komunikuar dhe nuk kam pasur mundësi t’i kthej as përgjigjen e merituar, pasi Facebook nuk më lejonte t’i shkruaja, çka e bën edhe më të qartë faktin se komunikimi ka qenë i njëanshëm dhe i padëshiruar.
Këto sjellje më kanë shkaktuar shqetësime serioze emocionale dhe familjare, si për mua, ashtu edhe për familjen time.
Për këtë arsye, kam ardhur ditën e djeshme nga Italia, ku jetoj, për të depozituar kallëzim penal për përndjekje ndaj këtij shtetasi, pasi veprimet e tij kanë sjellë pasoja të rënda në jetën time familjare dhe kanë prekur edhe vëllain tim.
Po ashtu, nga informacione që na janë komunikuar nga persona të ndryshëm, rezulton se këto sjellje nuk janë të izoluara, por të përsëritura edhe ndaj vajzave të tjera.
Sa i përket dhunës që ky shtetas pretendon se ka pësuar së fundmi, kjo ngjarje nuk ka asnjë lidhje me familjen tonë, dhe sipas dijenisë sonë nuk është shkaktuar nga vëllai im apo persona të afërt me ne, por nga individë të tjerë për të cilët ne nuk kemi dijeni.
Nuk kam pasur asnjë interes të dal në media, por nuk mund të lejoj që gënjeshtrat e përsëritura të dëmtojnë dinjitetin e një personi të pafajshëm dhe të shtrembërojnë të vërtetën.
Kërkoj vetëm që kjo çështje të trajtohet me qetësi, paanshmëri dhe verifikim faktesh, duke respektuar ligjin dhe dinjitetin njerëzor.
