Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Murtaja Afrikane e Derrave/ "Rrezik për kafshët, ekonominë e fermave por jo për njerëzit!" Eksperti Ervin Resuli i bën thirrje Strukturave Veterinare të reagojnë
ZH.LLPërditësimi i fundit 25 Nëntor 2024, 12:19
Ervin Resuli
TIRANË- Eksperti për çështjet e bujqësisë dhe blegtorisë, Ervin Resuli ka ngritur shqetësimin e një rreziku potencial nga Murtaja Afrikane e Derrave.
Sipas ekspertit, nuk ka asnjë reagim nga Autoriteti Veterinar në Ministri e Bujqësi, teksa Murtaja Afrikane e Derrave tashmë ka prekur edhe zonat më të ulëta pas rasteve në Kukës dhe Has.
Përmes një postimi në "Facebook", Resuli thotë se kjo situatë përbën rrezik për kafshët dhe ekonominë e fermave, teksa thekson se nuk përbën rrezik për shëndetin e njerëzve. Duke qenë se sëmundja "MAD" ka pasoja të mëdha ekonomike dhe për sigurinë ushqimore, Resuli i bën thirrje Strukturave Veterinare të reagojnë menjëherë ndaj kësaj krize.
Postimi i plotë:
Murtaja Afrikane e Derrave rrezik potencial: Autoriteti Veterinar në Ministri e Bujqesise në gjumë. Përmes informacionit nga Shoqata e Gjuetarëve Lezhë, mësohet se në malin e Torovicës, në zonën ku po ndërtohet rruga e re, janë konstatuar 12 derra të ngordhur (10 të butë dhe 2 të egër). Ky është një sinjal alarmi i përhapjes së Murtajës Afrikane të Derrave (MAD), e cila tashmë ka prekur edhe zonat më të ulëta pas rasteve në Kukës dhe Has. Kjo situatë përbën një rrezik serioz për: Shëndetin e kafshëve në këtë zonë të populluar. Ekonomitë e fermave të derrave, të cilat rrezikojnë dëme të pallogaritshme. Fatkeqësisht, shkarrimi i Shërbimit Veterinar Shtetëror dhe emërimi i personave pa profesionin e duhur kanë bërë që ky shërbim të jetë jashtë kontrollit. Strukturat veterinare, nën mbështetjen e Ministrisë së Bujqësisë, janë në një gjumë letargjik, duke mos reaguar ndaj kësaj krize. I bëj thirrje Ministres dhe AKVMB-së: Zgjohuni dhe ndërhyni menjëherë! Në rrezik janë ekonomitë e fermave, siguria ushqimore dhe shëndeti i njerëzve. **INFORMACION PER PUBLIKUN** JO, Murtaja Afrikane e Derrave (MAD) nuk përbën rrezik për shëndetin e njerëzve, as përmes kontaktit me kafshët e infektuara dhe as përmes konsumit të mishit të derrave të infektuar (nëse mishi do të konsumohej, gjë që nuk rekomandohet). MAD është një sëmundje shumë ngjitëse dhe vdekjeprurëse vetëm për derrat e butë dhe të egër. Kjo sëmundje nuk transmetohet te njerëzit, por ka pasoja të mëdha ekonomike dhe për sigurinë ushqimore, sepse: 1. Shkakton ngordhje masive të derrave. 2. Dëmton fermat dhe zinxhirët e furnizimit. 3. Pengon eksportet e produkteve të derrit për shkak të kufizimeve të tregtisë ndërkombëtare. Pra, rreziku kryesor i MAD është për ekonominë dhe sigurinë e furnizimit me ushqime, jo për shëndetin e njerëzve.
