Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
"Na lanë natën nën ujë "/ Përmbytjet në Durrës, qytetarja rrëfen momentin e vështirë: Mbrëmë fjeta në tarracë! Kjo situatë është nga pakujdesia e shtetit
b.zPërditësimi i fundit 30 Janar 2025, 19:49
Pamje nga përmbytjet
DURRËS - Moti i keq që pushtoi vendin një ditë m ëparë shkaktoi problematika dhe përmbytje të mëdha në qytetin e Durrësit. Njëra nga banoret e shtëpive që u përmbytën ka rrëfyer situatën e vështirë që po kalojnë , duke kritikuar reagimin e institucioneve shtetërore.
Në një prononcim për Euronews, qytetarja rrëfeu se për shkak të përmbytjeve, kishte kaluar natën e fundit në tarracën e shtëpisë së saj.
“Kemi që që dje në orën 15:00 kur u përmbyt familja e parë, pastaj na ka ardhur uji te ne. Erdhi zjarrfikësja dhe hoqi pak ujë, por më pas thanë se nuk kemi benzinë dhe ikën. Erdhën edhe dy të tjera dhe thanë se nuk kemi çfarë të bëjmë dhe ikën, duke premtuar se do të vinin nesër,” tha ajo.
“Na lanë natën nën ujë dhe u shtua edhe 30 cm.”
Qytetarja gjithashtu theksoi se asnjë ndihmë nuk erdhi për ta gjatë natës.
“Jo, sot nuk ka qenë askush. Erdhi zjarrfikësja, por ajo që ishte paradite nuk bëri asgjë. Unë kam qëndruar mbi soletë, sepse nuk kisha ku ta çoja burrin, ndërsa të tjerët ikën te të afërmit e tyre. Kërkoj një ndihmë urgjente që të na hiqet uji. Ne kemi kërkuar ndihmë, por edhe sot ata që kanë qenë këtu thanë se nuk kanë çfarë të bëjnë,” tha ajo me shqetësim.
Sipas saj, situata është përkeqësuar për shkak të pakujdesisë dhe dështimit të shtetit.
“Kjo është nga dora e njeriut dhe pakujdesia e shtetit. Kam 15 vjet që jetoj këtu dhe ka pasur reshje më të dendura se dje dhe sot, por nuk na ka hyrë uji fare. Unë dua një ndihmë urgjente që të na heqin ujin, pasi nuk mund të qëndrojmë më kështu,” tha ajo.
