Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Përmbytjet në Durrës/ Kryebashkiakja Sako:Zona e Shkozetit, problematike! Ministri Vengu: Forcat e Armatosura do qëndrojnë deri në normalizimin e situatës
E.DPërditësimi i fundit 30 Janar 2025, 16:16
DURRËS- Ministri i Mbrojtes, Piro Vengu ka vizitur nga afër disa prej zonave të përmbytura në Durrës për shkak të reshjeve të dendura të shiut. Së bashku me kryebashkiaken e Durrësit, Emirjana Sakon dhe prefektin e Qarkut të Durrësit, Emiljan Janin, ministri Vengu ndoqi nga afër angazhimin e Forcave të Armatosura në përballimin e situatës.
Kryebashkiakja Sako theksoi se dhe grupet e punës së vlerësimit të dëmeve kanë filluar menjëherë punën dhe se sapo ky process të përfundojë, bashkia do të miratojë kompensimet për qytetarët e Durrësit. Gjithashtu ajo tha se situata sot në qendër të qytetit dhe kryqëzimet kryesore paraqitet e qetë dhe problematike është zona e ish-kënetës apo Durrësit të Ri. Sipas saj zona e Shkozetit paraqitet me problematika apo zona e plazhit, ajo që është më afër shinave dhe pjesës së kanalit, ku dhe atje kemi grupet.
“Situata sot në qendër të qytetit dhe kryqëzimet kryesore paraqitet e qetë. Problematike është zona e ish-kënetës apo Durrësit të Ri, ku ne kemi bërë një bilanc sepse ekipet kanë qenë në terren dje gjatë gjithë kohës dhe grupet e punës së vlerësimit të dëmeve kanë filluar menjëherë punën. Falë ndërhyrjes që është bërë me argjinaturën e Erzenit që ka qenë një problematikë e vazhdueshme, me këtë investim kjo zonë nuk ka pasur probleme të mëdha. Zona e Shkozetit paraqitet me problematika apo zona e plazhit, ajo që është më afër shinave dhe pjesës së kanalit, ku dhe atje kemi grupet. Ne do të bëjmë vlerësimin e dëmeve dhe më tej do të bëjmë menjëherë miratimin për t’i shpërblyer për demët brenda banesave”, tha Sako.
Ministri Vengu theksoi se mjetet e Forcave të Armatosura do të qëndrojnë në zonat e përmbytura të Durrësit, deri në kthimin në normalitet të situatës. Vengu gjithashtu shtoi se prurja në disa kanale ka krijuar disa zona tampon që po pastrohen.
“Ajo që duhet theksuar është se hidrovori ka fuksionuar me kapacitet të plotë, vazhdon edhe tashmë të funksionojë me kapacitet të plotë. Prurja në disa kanale ka krijuar disa zona tampon që po pastrohen. Duhet të qëndrojnë mjetet si ato të ndërmarrjeve publike edhe ato të Forcave të Armatosura”, thksoi Vengu.
