Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
"Na lironi dhëndrin një orë e më parë!"/ Flasin prindërit e të miturës në Korçë: Ne kështu jemi martuar, të vegjël. Vajza është martuar me dëshirë
S.BPërditësimi i fundit 7 Shtator 2024, 16:12
KORÇË- Ditën e sotme në maternitetin e Korçës lindi fëmijën e saj një 14-vjeçare, por për këtë rast u arrestua i fejuari i saj 21-vjeçar. Ndaj të riut rëndon akuza për veprën penale "Marrëdhënie seksuale ose homoseksuale me të mitur".
Pak pasi ngjarja u bë publike, vajza 14-vjeçare me inicialet A.J, ka reaguar për mediat duke kërkuar lirimin e partnerit nga burgu. Po ashtu edhe prindërit e saj kanë reaguar para pak minutash duke kërkuar lirimin e dhëndrit të tyre.
Mamaja e vajzës u shpreh se e kanë martuar me dëshirë dhe se për ta nuk është aspak problem mosha. Nëna u shpreh se dhëndri duhet të lirohet pasi ai punon dhe mban të miturën. Babai i 14-vjeçares po ashtu kërkoi lirimin një orë e më parë të dhëndrit pasi sipas tij ndërhyrja e shtetit është e pakuptimtë.
“Vajza ka gati një vit e gjysëm martuar, dua që dhëndri të lirohet një orë e më parë!” u shpreh babai i të miturës.
Fjala e plotë e nënës së 14-vjeçares:
Ka dashuruar vajza edhe ne kemi rënë dakord, dua që dhëndri të dalë sa më shpejt.
Ne kështu jemi martuar, të vogla. Edhe unë jam martuar 12 vjeç. Për ne nuk është problem mosha, ne në racën tonë martohemi të vogla.
Vajzën tonë e kemi martuar me dëshirë. Ne jemi nga Elbasani dhe e kemi martuar vajzën në Korçë me dëshirë.
Dua të dalë dhëndri sa më shpejt. Ai punon dhe mban nusen. Kur ka lindur është njoftuar policia për rastin. Në spital e ka shoqëruar vajzën bashkëshorti.
Fjala e plotë e babait të 14-vjeçares:
Jam babai i vajzës, vajza është martuar me dëshirë, me nënë me babë i kemi dhënë leje që e martova në Korçë se unë jam nga Elbasani. Dhëndri nuk e mori me zor, pasi ka lindur goca patëm probleme se më kanë marrë dhëndrin në polici.
Vajza ka gati një vit e gjysëm martuar, dua që dhëndri të lirohet një orë e më parë se ne jemi romë dhe raca rome martohen të vegjël. Ja ku i kam unë kam 6 fëmijë, unë vajzën time e martova por shteti që hyn në këtë punë është pa arsye.
Unë i them shtetit që të më lirojë dhëndrin, erdha nga Miloti me familjen, këtu e kam dhe gocën dhe i them shtetit të më lirojë dhëndrin.
