Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
AKTUALITET
"Na quajti dele, po kush janë delet"?/ Nënë Liza sfidon Ramën: Protesta do mbyllet kur japë dorëheqjen
PiranjatPërditësimi i fundit 27 Qershor 2026, 20:05
TIRANË- Protestës së 28 për largimin e Ramës i është bashkuar edhe një nga figurat më të njohura të rezistencës qytetare në vendin tonë, Nënë Liza, simboli i banorëve të "5 Majit", të cilët u përplasën me policinë gjatë prishjes së banesave të tyre. Duke folurpër mediat, ajo theksoi se ka vendosur të bashkohet për shkak se kërkon që kryeministri Edi Rama të japë dorëheqjen një orë e më parë pasi i ka nxjerrë njerëzit nga banesat me dhunë në mes të dimrit.
Nënë Liza kritikoi ashpër qeverinë se ka lënë qytetarët pa mbështetje ekonomike, ndërsa tha se familja e saj ka mbetur pa shtëpi dhe është detyruar të ndryshojë disa herë banesën me qira.
“Kam vendosur të bashkohem sepse ky duhet të ikë një sahat e më parë, por nuk ikën ky me Rama ik, ky e do me dajak, sikurse na ka nxjerrë nga shtëpitë me dajak. Mua më kanë tërhequr zvarrë, 1500 policë më rrethuan shtëpinë,fëmijët m’i futën në burg. Pensionin jo, rrogat jo, i ka nxjerrë njerëzit nga shtëpia në mes të dimrit. Jam pa lekë dhe pa shtëpi, katër herë kemi ndryshuar shtëpinë me qira. Pensionet i rriti vetëm 2000 leë, është mësuar vetëm të mashtrojë, sepse ka lekë të mbajë gjithë botën e jo më Shqipërinë. Na quajti dele, kush janë delet? Burri që është burrë del para popullit, nuk fshihet. Kemi marrë një shtëpi faqja e zezë, s’ka asgjë brenda. Kjo protestë duhet të mbyllet kur të ikë Edi Rama”, tha ajo.
