Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Ndërtoi pa leje një objekt në vijën bregdetare, procedohet penalisht 53-vjeçari në Dhërmi
M.B.Përditësimi i fundit 30 Qershor 2024, 10:57
Foto ilustruese
DHËRMI- Një 53-vjeçar është proceduar penalisht në kuadër të operacionit policor të koduar “Coastline”, për lirimin e hapësirave nga ndërtimet pa leje, brenda vijës bregdetare, në qarkun Vlorë. Mësohet se 53-vjeçari ndërtoi pa leje një objekt me strukturë druri (beach-bar), në vijën bregdetare në Dhërmi.
Në bashkëpunim me Policinë Bashkiake dhe IMT Himarë, bëhet me dije se është rikthyer në gjendjen fillestare hapësira e plazhit në fjalë.
Njoftimi:
DVP Vlorë/Vijon plani operacional policor i koduar “Coastline”, për lirimin e hapësirave nga ndërtimet pa leje, brenda vijës bregdetare, në qarkun Vlorë.
Ndërtoi pa leje një objekt me strukturë druri (beach-bar), në vijën bregdetare në Dhërmi, procedohet penalisht 53-vjeçari. Në bashkëpunim me Policinë Bashkiake dhe IMT Himarë, rikthehet në gjendjen fillestare hapësira e plazhit.
Në vijim të punës për parandalimin, evidentimin dhe goditjen e rasteve të ndërtimeve pa leje, veçanërisht në zonat urbane dhe ato bregdetare, shërbimet e Komisariatit të Policisë Himarë dhe ato të Stacionit të Policisë Dhërmi, bazuar në informacionet e siguruara, kanë ushtruar kontroll në plazhin e Dhërmiut, ku rezultoi se në aktivitetin e shtetasit M.A. po ndërtohej një objekt me strukturë druri (beach-bar), pa leje nga organet kompetente.
Në vijim të veprimeve, pas prishjes së këtij objekti nga IMT dhe Policia Bashkiake Himarë, me qëllim rikthimin e hapësirës në gjendjen fillestare, specialistët për Hetimin e Krimeve të Stacionit të Policisë Dhërmi kanë nisur procedimin penal për shtetasin M.A., 53 vjeç, për veprën penale “Ndërtimi i paligjshëm”.
Operacionet policore “Coastline” dhe “Plazhi i lirë” do të vijojnë intensivisht në qarkun Vlorë, me qëllim rikthimin e hapësirave publike dhe ndëshkimin sipas ligjit të çdo shtetasi që prek këto hapësira dhe i shfrytëzon ato në mënyrë të paligjshme.
