Reperi i njohur kosovar, Capital T, u ka bërë thirrje mediave në Kosovë që tu kushtojnë më shumë vëmendje zhvillime...
AKTUALITET
Nga dhuna ndaj bashkëshortes tek vjedhja, arrestohen katër persona në Tiranë
S.BPërditësimi i fundit 14 Maj 2024, 18:27
foto ilustruese
TIRANË- Arrestohen katër persona në Tiranë për vepra të ndryshme penale. Mësohet se një 26-vjeçar ka dëmtuar kamerën e dhomës së shoqërimit dhe ka kundërshtuar punonjësin e policisë, ndërkohë që një 48-vjeçar është arrestuar pasi ka ushtruar dhunë ndaj bashkëshortes.
Dy persona të tjerë janë arrestuar për veprat penale vjedhja e parave dhe drejtimi automjetit në gjendje të dehur. Me rastet do të merret Prokuroria e Tiranës.
Njoftimi i Policisë:
Specialistët për Hetimin e Krimeve të Komisariatit të Policisë Nr. 2 arrestuan shtetasin A. P., 26 vjeç, banues në Laç. Ky shtetas gjatë kohës që ka qenë i shoqëruar në ambientet e Komisariatit të Policisë Nr. 2, dyshohet se ka dëmtuar kamerën e dhomave të shoqërimit, si dhe ka kundërshtuar me forcë punonjësin e Policisë, i cili ka ndërhyrë për ta neutralizuar.
Specialistët për Hetimin e Krimeve të Komisariatit të Policisë Nr. 3 arrestuan shtetasin D. P., 48 vjeç, banues në Tiranë, pasi dyshohet se ka ushtruar dhunë ndaj bashkëshortes së tij, në prezencë së fëmijës së tyre të mitur, dhe më pas ka dëmtuar veten me mjet prerës.
Specialistët për Hetimin e Krimeve të Komisariatit të Policisë Nr. 6 arrestuan shtetasin A. G., 23 vjeç, banues në Pezë, pasi dyshohet se ka vjedhur një shumë parash, në banesën e kunatit të tij.
Specialistët e Komisariatit të Policisë Rrugore arrestuan shtetasin E. L., 40 vjeç, banues në Fushë Krujë, pasi u kap duke drejtuar automjetin në gjendje të dehur.
Materialet i kaluan Prokurorisë, për veprime të mëtejshme.
