Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Nga ilaçet e skaduara te tenderat fiktivë – Si e shkatërroi Manastirliu QSUT-në gjatë kohës si ministre
PiranjatPërditësimi i fundit 11 Shtator 2025, 16:07
Kryeministri Edi Rama vendosi t’i besonte sot postin më të rëndësishëm politik, si kryebashkiake, Ogerta Manastirliut , e cila nuk është një emër i padëgjuar pëe qeverinë Rama që prej mars 2017.
Edhe më herët Manasterliu ka mbajtur poste të rëndësishme, si ministre Shëndetësie, ku dështimin më të madh e pati tek menaxhimi i Covid-19, më pas Rama ia besoi Arsimin, një tjetër hallkë që qeveria e ka shkërmoqur rëndë, ku sot numërojmë me qindra shkolla të mbyllura, mësues të pakualifikuar dhe studentë që braktisin profesionet dhe largohen jashtë.
Piranja.al do të sjell rastet kur me qeverisjen e Manastirliut, menaxhimi dhe situata në spitale shkoi në piken kritike.
Manasterliu është përgjegjëse për situatën alarmante me barnat e skaduara në QSUT. Që kur u emërua në detyrë 5 vjet më parë në QSUT, Ogerta Manastirliu në shkelje flagrante të ligjit, ka lejuar të skadojnë ilaçet që ka gjetur në depon farmaceutike të spitalit, duke blerë vazhdimisht me tendera tëdyshimtë dhe duke pranuar si dhuratë barna me afat të afërt skadence, asgjesimi i të cilave ka kosto shumë të lartë”.
Ministria e Shëndetësisë dhe QSUT-ja sot e kësaj dite nuk kanë dhënë asnjë shpjegim:
1. Pse është krijuar ky mal me ilaçe të skaduara.
2. Sa prej tyre u janë dhënë pacientëve.
3. Kush ka përfituar nga mali i korrupsionit me ilaçe të skaduara.
Nuk ka asnjë dyshim se përgjigjet e këtyrë pyetjeve të çojnë të paktën tek 1 emër përgjegjës: Ogerta Manastirliu. Ministrja e Shëndetësisë, e cila, para kësaj detyre, ka qenë Drejtoresha e Qendrës Spitalore Univeristare “Nënë Tereza”është përgjegjësja kryesore për shndërrimin e QSUT-së në koshin e mbeturinave të ilaçeve të skaduara.
Tenderat
Që kur u emërua në detyrë 5 vjet më parë në QSUT, Ogerta Manastirliu, në mënyrë kriminale dhe në shkelje flagrante të ligjit, ka lejuar të skadojnë ilaçet që ka gjetur në depon farmaceutike të spitalit, duke blerë vazhdimisht me tendera të dyshimtë dhe duke pranuar si dhuratë barna me afat të afërt skadence, asgjesimi i të cilave ka kosto shumë të lartë. Shqiptarët duhet ta dinë se pjesa më e madhe e malit me ilaçe të skaduara në QSUT, me etiketen “dhuratë”, janë, në fakt, një mal i madh korrupsioni për të favorizuar Mafian e Ilaçeve, klientë të pushtetit.
Në këtë rast, depoja farmaceutike e QSUT është përdorur si kosh plehrash për të pastruar depot e disa kompanive private dhe për t’u kursyer atyre qindra milionë lekë për asgjesimin e ilaçeve të skaduara.
Prandaj, Ogerta Manastirliu duhet të tregojë sot:
1. Tek cilat kompani ka blerë ilaçe me afat të afërt skadence?
2. Nga cilat kompani ka pranuar gjoja
dhuratë, duke i çliruar ato apo ortakët e tyre jashtë Shqipërisë nga kosto e lartë e asgjesimit.
3. Ku janë depozituar aktualisht barnat e skaduara dhe a ka nisur asgjesimi i tyre?
4 miliardë e rreth 550 milionë lekë është vlera e 15 ton barnave të skaduara për të cilat prokuroria duhet të kishte nisur menjëherë hetimin për të vënë para përgjegjësisë çdo person që ka dëmtuar në mënyrë kriminale shëndetin e qytetarëve dhe buxhetin e shtetit.
