Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
AKTUALITET
Nga prishja e qetësisë publike te drejtimi i makinës në gjendje të dehur, arrestohet 8 persona në Tiranë, procedohen 2 të tjerë
E.DPërditësimi i fundit 31 Tetor 2024, 16:40
TIRANË- Tetë persona janë arrestuar në Tiranë dhe dy të tjerë janë proceduar për vepra penale të ndryshme. Mësohet se një person është arrestuar pasi ka shkelur masën e sigurimit personal “Arrest në shtëpi”.
Personat e tjerë janë arrestuar pasi kanë kryer vepra penale si kundërshtimi i punonjësit të policisë së rendit publik, prishja e qetësisë publike, mbajtja pa leje e armëve, dretimi i mjetit në gjendje të dehur. Ndërsa dy personat e tjerë janë proceduar pasi kanë kryer veprat penale “Mosbindja ndaj urdhrit të punonjësit të policisë së rendit publik” dhe “Prishja e qetësisë publike”.
Specialistët e Seksionit për Hetimin e Krimeve në Komisariatin e Policisë Nr. 1 arrestuan shtetasin Xh. F., 33 vjeç, banues në Tiranë, pasi ka shkelur masën e sigurimit personal “Arrest në shtëpi”. Specialistët e Seksionit për Hetimin e Krimeve në Komisatiain e Policisë Nr. 2 arrestuan shtetasit E. Sh., 40 vjeç, A. K., 21 vjeç, E. P., 21 vjeç, D. O., 21 vjeç, banues në Tiranë, të dyshuar për veprat penale “Kundërshtimi i punonjësit të policisë së rendit publik”, “Goditjet për shkak të detyrës”, “Kanosja për shkak të detyrës” dhe “Prishja e qetësisë publike”.
Gjithashtu proceduan në gjendje të lirë shtetasit O. S., 21 vjeç, dhe E. L., 51 vjeçe, për veprat penale “Mosbindja ndaj urdhrit të punonjësit të policisë së rendit publik” dhe “Prishja e qetësisë publike”. Këta shtetas, mbrëmjen e djeshme, në rrugën “Tish Daija”, kanë kundërshtuar me dhunë dhe kanosur për shkak të detyrës punonjësit e Policisë si dhe një qytetare që kishte njoftuar shërbimet e policisë për prishje të qetësisë publike, në një lokal.
Specialistët e Seksionit për Hetimin e Krimeve në Komisariatin e Policisë Nr. 3 ekzekutuan vendimin penal për shtetasin I. A., 51 vjeç, pasi Gjykata e Apelit Tiranë, e ka dënuar me 1 vit e 2 muaj e 25 ditë burgim për veprat penale “Mbajtja pa leje dhe prodhimi armëve, armëve shpërthyese dhe municionit” dhe “Prishja e qetësisë publike”.
Specialistët e Komisariatit të Policisë Rrugore Tiranë arrestuan shtetasit: O. Ç., 57 vjeç, banues në Tiranë, pasi duke drejtuar automjetin në gjendje të dehur, është përplasur me një automjet tjetër dhe si pasojë ka vetëm dëme materiale; G. V., 40 vjeç, banues në Tiranë, pasi u kap duke drejtuar automjetin në gjendje të dehur dhe nuk i është bindur punonjësve të Policisë për të bërë testin e alkoolit.
