Ekziston mundësia e një takimi me Presidentin e Shteteve të Bashkuara të Amerikës, Donald Trump, në Kinë, tha sot President...
AKTUALITET
Nga vjedhja e deri te shitja e lëndëve narkotike, arrestohen tre persona në Berat
S.BPërditësimi i fundit 31 Korrik 2024, 10:47
foto ilustruese
BERAT- Arrestohen tre persona dhe procedohet një tjetër në Berat. Bëhet me dije se është arrestuar 45-vjeçari S.H, pasi gjykata e ka dënuar me burg për shitje të lëndëve narkotike (kokainë).
Mësohet se është arrestuar i shpalluri në kërkim A.Z 36 vjeç pasi gjykata e ka dënuar me burg për vjedhje. Ndërkohë 43-vjeçari K.M është arrestuar pasi theu arrestin shtëpiak. 30-vjeçari M.Sh është proceduar penalisht pasi ushtroi dhunë naj bashkëjetueses.
Njoftimi i Policisë:
Seksioni për Hetimin e Narkotikëve ekzekutoi vendimin penal për shtetasin S. H., 45 vjeç, banues në Berat, të cilit Gjykata i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”, pasi dyshohet se shiste lëndë narkotike kokainë në zona të ndryshme të qytetit të Beratit.
Komisariati i Policisë Berat
-ndaloi shtetasin e shpallur në kërkim A. Z., 36 vjeç, banues në Berat, pasi Gjykata e Shkallës së Parë e Juridiksionit të Përgjithshëm Berat i ka caktuar masën e sigurisë “Arrest në burg”, për veprën penale “Vjedhja”. Ky shtetas dyshohet se ka vjedhur disa vegla pune në ambientet e një biznesi, në muajin korrik 2024.
-arrestoi në flagrancë shtetasin K. M., 43 vjeç, banues në Berat, pasi ka thyer masën e sigurisë “Arrest në shtëpi”;
-referoi materialet në Prokurori ku nisi procedimi në gjendje të lirë për shtetasin M. Sh., 30 vjeç, banues në Berat, pasi ka ushtruar dhunë ndaj bashkëjetueses së tij.
