Pas kontrolleve nga SPAK, biznesmeni izraelit, Ron Yeffet, po përballet me telashe edhe në Shtetet e Bashkuara të Amerikës.
Përplasj...
AKTUALITET
Ngecin pagat këtë vit, bien në tremujorin e tretë
PiranjatPërditësimi i fundit 11 Dhjetor 2025, 08:26
Ritmet e rritjes së pagave janë ngadalësuar ndjeshëm gjatë këtij viti, ndryshe nga 2024-a, kur ato shënuan përmirësim të shpejtë të udhëhequr nga administrata.
INSTAT bëri të ditur se gjatë tremujorit të tretë 2025, paga mesatare mujore bruto për një të punësuar me pagë në Shqipëri ishte 83.300 lekë, me një rritje prej 7,3 %, krahasuar me tremujorin e tretë 2024. Një vit më parë, rritja kishte qenë 8.36%.
Megjithatë, në krahasim me tremujorin e dytë 2025, paga mesatare ka shënuar tendencë në ulje, duke rënë lehtë me 0.7%. Në të njëjtën periudhë të një viti më parë (tremujori i tretë 202/tremujor i dytë 2024), rritja kishte qenë 3.4%
Rënia e pagave në tremujorin e tretë, në krahasim me të dytin, është diktuar nga Aktivitetet financiare dhe të sigurimit, që është dhe aktiviteti që paguan më shumë në vend.
Paga mesatare mujore bruto për këtë aktivitet ishte 152 mijë lekë në tremujorin e tretë 2025, nga 175 mijë lekë në të dytin, me një rënie prej 13%. Megjithatë, kjo rënie është e lidhur më shumë me efektin e shpërblimeve. Sipas INSTAT, shpërblimet dhe shtesat mbi pagë janë një pjesë e pagës mesatare mujore bruto për një të punësuar me pagë, të cilat në fund të çdo gjashtëmujori rrisin ndjeshëm pagën mesatare mujore bruto.
Pagat sipas aktiviteteve ekonomike
Sipas INSTAT, aktivitetet ekonomike me pagë mesatare më të lartë se mesatarja kombëtare ishin në grup aktivitetet ekonomike:
o Aktivitetet Financiare dhe të Sigurimit, me 152 mijë lekë o Informacioni dhe komunikacioni, me 125 mijë lekë; o Administrata publike dhe mbrojtja; sigurimi social i detyrueshëm; arsimi; shëndetësia dhe aktivitete të punës sociale, me 100 mijë lekë; o Aktivitete të pasurive të paluajtshme; Aktivitete shkencore, profesionale dhe teknike; aktivitete të shërbimeve administrative dhe mbështetëse, me 89 mijë lekë.
* Ndryshimi i pagës mesatare krahasuar me tremujorin e tretë të vitit 2024:
o Rritja më e madhe e pagës, ishte në aktivitetin e Ndërtimit, me një rritje prej 12,8 %. o Rritja më e vogël ishte në aktivitetin e Administratës publike, sigurimi social i detyrueshëm, arsimi, shëndetësia dhe aktivitetet e punës sociale me rreth 3 %.
Profesionet me pagë mesatare më të lartë se mesatarja kombëtare ishin:
o Menaxherë, Ligjvënës, Drejtorë ekzekutivë, me 129.7 mijë lekë; o Specialistë me arsim të lartë (profesionistë), me 110 mijë lekë ; o Forcat e armatosura, me 106 mijë lekë; o Teknikë dhe specialistë në zbatim 92.5 mijë lekë .
Sipas INSTAT, ndryshimi i pagës mesatare krahasuar me tremujorin e tretë të vitit 2024. Rritja më e madhe e pagës, ishte në profesionin Zejtarë, artizanë dhe profesione të lidhurame to dhe Punëtorë (Profesione elementare), me një rritje përkatësisht prej 10,7 % dhe 10,6 %.
Rritja më e vogël ishte në profesionin e Specialistë me arsim të lartë (profesionistë) me rreth 5,5 %.
Gjatë tremujorit të tretë 2025, krahasuar me të njëjtin tremujor të vitit të kaluar është vërejtur një ulje e numrit të punonjësve me pagë minimale dhe një rritje e numrit të punonjësve me paga më të larta.
Shpërndarja aktuale është më e balancuar dhe më e përqendruar në kategoritë mesatare dhe të larta të pagës./Monitor
