DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
AKTUALITET
Një gram kokainë për një biçikletë elektrike/ Si e zbuloi gazetari zviceran mjetin e vjedhur në Shqipëri
PiranjatPërditësimi i fundit 1 Tetor 2025, 20:24
Nga Adrian Lemmenmeier, Schweizer Radio und Fernsehen
Dy javë na u deshëm të duronim. Pastaj një person hyn në fushën e shikimit të kamerës së mbikëqyrjes dhe tërheq biçikletën tonë elektrike. Dryni i thyer gjendet më vonë pas shtëpisë. Por hajduti nuk e di se biçikleta është e pajisur me GPS dhe transmetues Bluetooth – një eksperiment për të parë ku përfundojnë biçikletat e vjedhura elektrike.
Hajdutët e biçikletave kanë lulëzuar në Zvicër. Numri i biçikletave të vjedhura është rritur me 50 për qind gjatë pesë viteve të fundit, dhe gjithnjë e më shumë prej tyre janë E-Bike.
Rajoni kufitar i Basel-it veçanërisht i prekur
Në vitin 2024, në të gjithë Zvicrën u raportuan 54,308 biçikleta dhe E-Bike të vjedhura. Një e nënta e tyre në kantonin e Baselit. Sipas policisë, arsyet janë numri i madh i biçikletave në qytet dhe afërsia me kufirin. Sepse shumë biçikleta të vjedhura dërgohen në Francë. “Sasia e biçikletave që vidhen është bërë kaq e madhe, saqë duhet të supozojmë se nuk bëhet fjalë vetëm për krim të vogël, por pas kësaj duhet të qëndrojnë struktura të organizuara,” thotë Christian Plüss, oficeri lidhës Zvicër-Francë i Policisë Kantonale Basel-Landschaft.
Por Franca nuk është gjithmonë vendi i destinacionit. “Vërejmë që biçikletat që shkojnë në Saint-Louis ose Mulhouse shpesh qëndrojnë pak atje,” vazhdon Plüss. “Pastaj shpesh dërgohen më tej. Kryesisht në vendet e Maghreb-it ose në Ballkan.”
Tregtarët e drogës pranojnë pagesë me E-Bike
Nuk dihet ende nëse vjedhja e biçikletës tonë ishte orkestruar nga një bandë e organizuar. Hetimet për rastin tonë çojnë në skenën e drogës në Basel. Disa persona me varësi na tregojnë se ata vjedhin E-Bike për të financuar konsumimin e drogës.
Ky lloj kriminaliteti nuk është i pazakontë. Në veçanti për situatën në Basel duket se tregtarët e drogës pranojnë pagesë drejtpërdrejt me E-Bike. Këtë na e konfirmojnë disa persona të varur, secili i pavarur nga tjetri. Madje edhe më shumë: tregtarët thuhet se japin urdhër për vjedhjen e biçikletave elektrike. “Ata dalin në rrugë dhe pyesin nëse ka E-Bike,” tregon një person me varësi. Për një E-Bike me vlerë prej disa mijëra frangash, të varurit do të marrin drogë me vlerë 100 deri 150 franga.
Biçikleta u gjet sërish në Shqipëri
Rreth gjashtë muaj pas vjedhjes së biçikletës tonë në Basel, marrim një sinjal të ri. Biçikleta jonë ishte dërguar jashtë vendit – konkretisht në Kosovë. Pak më vonë, ajo u transferua më tej në Shqipëri. Atje, me ndihmën e autoriteteve, e gjejmë tek një person privat. Policia shqiptare e sekuestron dhe hap një procedurë për blerje të dyshuar të mallrave të vjedhura. Ne nuk mund ta ndjekim saktësisht si është kryer shitja. Për shkak të procedurës në vazhdim, policia nuk jep informacione të tjera.
Që biçikletat elektrike të vjedhura nga Zvicra, përfundojnë në Shqipëri, duket të jetë një fenomen relativisht i ri, thotë Artan Hoxha, gazetar investigativ dhe njohës i botës së krimit në Shqipëri. Megjithatë, këto rrugë të supozuara të vogla të tregtisë nuk duhen nënvlerësuar. “Nëse një grup arrin të sjellë E-Bike nga Zvicra në Shqipëri, pa problem mund të transportojë edhe gjëra të tjera, për shembull drogë”.
