Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Një ushtarak qitës në atentatin në Rinas? Gazetarja jep detaje: Gilmando Dani tentoi një jetë të re pas mbylljes së hesapeve me drejtësinë
PiranjatPërditësimi i fundit 12 Nëntor 2025, 11:54
Autoritetet hetimore janë rikthyer sot në rreth rrotullimin e Rinasit për të vazhduar hetimet lidhur me atentatin mafioze të një dite më parë që i mori jetën Gilmando Danit dhe la të plagosur rëndë Muçi Sheqerin, efektiv i AMP-së.
Megjithatë, pas verifikimeve të fundit nga hetuesit, është konfirmuar se makina nuk ishte e blinduar, ashtu siç ishte spekuluar më herët. Nga kamerat e sigurisë të mbledhura nga autoritetet, shfaqen vetëm tre persona, por hetuesit dyshojnë se numri i autorëve mund të ketë qenë më i madh.
Një prej tyre dyshohet se ka pasur përgatitje ushtarake, një detaj që ngre më shumë pyetje për planifikimin dhe saktësinë e realizimit të atentatit. Përveç kësaj, është zbuluar se fluturimi i Gilmando Danit ishte anuluar më herët dhe i dyti kishte pasur një vonesë prej rreth 8 orësh. Kjo vonesë ka dhënë më shumë mundësi autorëve për të realizuar krimin, duke e bërë atentatin më të mundshëm gjatë kësaj periudhe.
“Gilmando Dani tentoi të niste jetën e tij të re, pasi mbylli hesapet me drejtësinë shqiptare, në Tiranë. Nga kamerat e sigurisë u vu në dukje se ishte një atentat mjaft i organizuar dhe i sofistikuar. Në kamera u panë 3 persona por është mjaft e sigurt që nuk janë vetëm tre por më shumë. Nga mënyra si është organizuar atentati do të jetë e vështirë të dalin në një përfundim ose zbardhjen e plotë në një kohë të shkurtër”, thotë gazetarja Anila Hoxha.
