Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
AKTUALITET
''Air Albania'' anulon fluturimin Malpensa-Tiranë pa asnjë shpjegim, revoltohen qytetarët
PiranjatPërditësimi i fundit 12 Nëntor 2025, 10:42
''Air Albania'' mësohet se ditën e sotme ka anuluar një fluturim nga Malpnesa drejt Tiranës, që ishte parashikuar të nisej në orën 15:00 (12 nëntor).
Pasi ky anulim është njoftuar, mësohet se është shtyrë për ditën e shtunë (15 nëntor), pra 3 ditë më pas.
Kjo shtyrje kaq e gjatë ka sjellë dhe revoltë nga ana e qytetarëve të cilët udhëtojnë për arsye të ndryshme.
Kompania nuk jep as shpjegime për këtë rast, por ka dërguar vetëm një email ''të thatë'' përmes postës elektronike.
Kjo nuk është hera e parë që ''Air Albania'' nuk mban përgjegjësi për vonesat dhe anulimet e fluturimeve.
Kjo kompani pas shtatë vitesh operimi, ndodhet dhe nën hetim për mashtrim financiar dhe borxhe të pashlyera që arrijnë në miliona euro.
Dy ortaket kryesore të kompanisë, Najada dhe Rejana Idrizi, bashkëshortja dhe vajza e Sinan Idrizit, mësohet se janë larguar nga Shqipëria dhe po qëndrojnë të fshehura në Stamboll, në përpjekje për të shmangur përballjen me drejtësinë.
Bëhet me dije, se largimi i tyre lidhet me akuzat për mashtrime të përsëritura ndaj disa prej kompanive më të njohura ajrore ndërkombëtare, të cilave nuk u janë shlyer detyrimet për avionët e marrë me qira që prej vitit 2018./Piranjat News
