"Nuk kam fjetur! Në Itali po trajtohen si qytetar i dorës së dytë!" Inskenoi vdekjen e tij, biznesmeni Davide Pecorelli: Në shtator, gati të përballem me drejtësinë shqiptare, provat nuk ekzistojnë

Davide Pecorelli

ITALIA- Biznesmeni italian, Davide Pecorelli ka reaguar lidhur me vendimin e dhënë 3 muaj më parë nga një gjykatë në Perugia për ekstradimin e tij drejt Shqipërisë, ku është dënuar me 4 vite burg me akuzën e mashtrimit, zjarrvënies dhe shpifjes. Pecorelli ka deklaruar se prej muajsh nuk ka fjetur pas dënimit për krime të padrejta, sipas tij, dhe sepse në Itali deri më tani, ka shtuar ai, është trajtuar si një qytetar i dorës së dytë.

“Megjithatë, në shtator do të shkoj të përballem me sistemin e drejtësisë shqiptare, duke rrezikuar të arrestohem menjëherë. Ka një padrejtësi të vërtetë ndaj meje, krimi për të cilin Shqipëria kërkon dënimin tim bazohet në prova inekzistente kur unë i kam dëmshpërblyer të gjithë atje. Është një avokat shqiptar që më ndjek, tre muaj nuk kam fjetur, duhet të paguaj për atë që kam bërë, por jo për gjëra të tjera që nuk ekzistojnë. Kështu që unë vihem në dispozicion të sistemit të drejtësisë shqiptare”, ka deklaruar Pecorelli.

Davide Pecorelli u zhduk në janar të 2021 Pukë, ku gjet e djegur makina që ai kishte marrë me qira, brenda së cilës u gjetën edhe mbetje skeletore. E teksa autoritetet italiane dhe ato shqiptare u ngritën në këmbë për të mësuar se çfarë kishte ndodhur me biznesmenin, më 17 shtator ai u gjet shëndoshë e mirë në një gomone pranë ishullit Montecristo, duke tronditur jo pak e duke sjellë në vëmendje edhe "historinë" e tij se ku kishte qenë dhe çfarë kishte bërë përgjatë 9 muajve që ishte shpallur i zhdukur.

davide pecorelli