Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
AKTUALITET
OLAF ‘pret’ shpresat për 112 mln €, Drejtoresha Salla Saastamoinen: Hetoni penalisht abuzuesit
PiranjatPërditësimi i fundit 18 Tetor 2025, 17:48
Drejtoresha e Zyrës Evropiane kundër Mashtrimit, OLAF, deklaron se pa hetuar dhe zbardhur plotësisht abuzimin 33 milionë euro me fondet e BE-së për fermerët, 112 milionë eurot e tjera të IPARD do të mbeten të bllokuara. Ndërsa SPAK ende nuk ka nxjerrë personat përgjegjës për këto abuzime, Salla Saastamoinen shprehet se BE është në pritje të rezultateve të hetimit, dhe reformave për të vendosur se kur do të zhbllokohen fondet e akorduara për Shqipërinë. Emisioni Plug në Syri Tv zbërtheu skemën se si 33 milionë euro që duhet tu shpërndaheshin fermerëve përfunduan në zhepat e zyrtarëve të Partisë Socialiste dhe kriminelëve të lidhur me qeverinë.
Bashkimi Evropian duket i vendosur t`i shkojë deri në fund zbardhjes dhe vënies para drejtësisë të abuzuesve me fondet IPARD, që u shpërdoruan nga institucionet shqiptare. Në një intervistë për revistën ekonomike Monitor, Drejtoresha e OLAF, Salla Saastamoinen, deklaron se 112 milionë euro të IPARD III do të qëndrojnë të pezulluar deri në momentin që autoritetet shqiptare do të ndjekin penalisht abuzuesit e 33 milionë eurove të IPARD III. Ne nuk marrim masa ndjekëse. Gjetjet tona ishin se mund të kishte një kriter mospranimi të mundshëm për financimin rreth 33 milionë euro. Dhe meqenëse duhet ta bëjmë këtë, ekziston një interes i Komisionit Evropian për të mbrojtur fondet, kjo do të thotë që Komisioni mori vendimin për masa paraprake për të ngrirë fondet derisa Shqipëria të ndërmarrë masa të mjaftueshme dhe të nevojshme. Dhe shuma totale ishte 112 milionë euro. Siç thashë, pjesa e ndjekjes gjyqësore është në dorë të gjyqësorit shqiptar.
Drejtuesja e OLAF, Salla Saastamoinen, deklaron gjithashtu se është detyrë e autoriteteve shqiptare, që hetojë dhe parandalojë korrupsionin, ndërsa i kërkon Shqipërisë që strategjitë që miraton, duhet t`i zbatojë në praktikë dhe jo vetëm në letër. Natyrisht, një strategji mund të mbetet vetëm letër. Vlera e strategjisë është te zbatimi i saj. Dhe kjo do të thotë që ne presim që autoritetet të veprojnë mbi këtë bazë duke punuar për masa konkrete. Edhe autoritetet shqiptare duhet të qëndrojnë në ballë të gjetjes së rasteve të mundshme të mashtrimit dhe korrupsionit dhe çdo shkeljeje tjetër. Pra, ky është elementi i vetëm që do të fliste për mundësinë e trajtimit për financimet e mëtejshme. Shoh se janë bërë hapa për të krijuar sisteme auditimi, kontrolli dhe menaxhimi për fondet.
Një koment, drejtuesja e zyrës europiane kundër mashtrimit financiar, e ka edhe për minisrtren “DIella”, duke u shprehur se ajo nuk mund të parandalojë korrupsionin, ndërsa inteligjenca artificiale mund të përdoret vetëm për raporte apo përkthime në institucione.
Modelimi dhe përdorimi i Inteligjencës Artificiale për të dhënat e mëdha mund të jetë një mjet. Por unë nuk e nënvlerësoj gjithashtu rritjen e efikasitetit në punën tonë administrative. Ne e përdorim atë në përkthime, për të pasur përkthime si dorë e parë, dhe kjo është shumë e rëndësishme sepse kursen burimet tona administrative, kështu që mund të përqendrohemi aty ku nevojitet, ku nevojitet njeriu në fund.
Emisioni Plug në Syri Tv zbërtheu skemën se si 33 milionë euro që duhet tu shpërndaheshin fermerëve përfunduan në xhepat e zyrtarëve të Partisë Socialiste dhe kriminelëve të lidhur me qeverinë.
