Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Organizoi dhe porositi sulmin ndaj avokatit Sokol Mëngjesi, Apeli lë në burg Dritan Nanon
M.B.Përditësimi i fundit 22 Tetor 2024, 15:51
TIRANA- Gjykata e Apelit ka rrëzuar kërkesën e Dritan Nanos për lehtësim të masës së sigurisë, duke e lënë në burg. Nano, u dënua pasi dyshohet se organizoi sulmin e dhunshëm ndaj avokatit Sokol Mëngjesi, ngjarje e ndodhur përballë një kopshti në ish-Bllok.
"Në përfundim të gjykimit, sot më datë 22.10.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Valbona Vata, vendosi:
- Lënien në fuqi të vendimit nr. 2188 Regj.Them, datë 25.09.2024 të Gjykatës së Shkallës së Parë të Juridiksionit të Përgjithshëm Tiranë", njofton gjykata.
Njofimi i Gjykatës së Apelit:
Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë:
Mbi bazën e materialeve të Drejtorisë Vendore të Policisë Tiranë, rezulton se në datë 29.05.2024, rreth orës 08:34, në rrugën “Pjetër Bogdani”, në zonën e ish-Bllokut në Tiranë, shtetasi me iniciale D. A, në bashkëpunim me shtetas të tjerë, në lidhje familjare midis tyre, kanë goditur me sende të forta shtetasin Sokol Mengjesi, me profesion avokat.
Personi nën hetim shtetasi me iniciale D. N, ka paraqitur kërkesën me objekt: “Revokimin, zëvëndësimin e masës së sigurimit personal nga “arrest në burg”, në atë të “arrestit në shtëpi”.
Gjykata e Shkallës së Parë të Juridiksionit të Përgjithshëm Tiranë, me vendimin nr. 2188 Regj.Them, datë 25.09.2024, ka vendosur: Rrëzimin e kërkesës të palës kërkuese D. N.
Çështja në apel u shqyrtua mbi bazën e ankimit të paraqitur, nga personi nën hetim me iniciale D. N, i cili kërkoi zëvendësimin e masës së sigurimit personal nga “arrest në burg”, në atë të “arrest në shtëpi”.
Në përfundim të gjykimit, sot më datë 22.10.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Valbona Vata, vendosi:
- Lënien në fuqi të vendimit nr. 2188 Regj.Them, datë 25.09.2024 të Gjykatës së Shkallës së Parë të Juridiksionit të Përgjithshëm Tiranë.
Si ndodhi dhunimi i avokatit Sokol Mëngjesi?
Ngjarja e rëndë ka ndodhur mëngjesin e 29 majit, ku pasi avokati ka lënë djalin e tij në kopësht, teksa po rrinte në këmbë jashtë rrethimit të institucionit është goditur me grusht nga një person dhe më pas është rrëzuar në tokë. Pas rënies koka i ka rënë në trotuar, ndërsa dy persona të tjerë kanë nisur ta godasin me shkelma. Si pasojë e goditjeve ka pësuar dy fraktura, dëmtime te zona e ballit dhe pas koke dhe nga këto goditje.
Gjithashtu ka pësuar dëmtime në pjesën e trurit dhe hemorragji të vogël. Autorët e sulmit u identifikuan si Dorian Alia, 32-vjeç (i arrestuar pas vetëdorëzimit); Drivald Alia, 21-vjeç (i arrestuar); Elton Kasaj, 33-vjeç dhe Romario Tabaku, 26-vjeç, të gjithë banues në Tiranë. Romario Tabaku ishte personi që ka larguar me makinë autorët e sulmit nga vendngjarja.
