Katër persona janë shoqëruar nga policia në kuadër të hetimeve për shpërthimin e fuqishëm të ndodhur më...
AKTUALITET
''Pallatet e ndërtuara pas tërmetit, me ashensorë jashtë funksionit''/ Qytetari denoncon skandalin në Thumanë
PiranjatPërditësimi i fundit 3 Mars 2026, 12:23
Një qytetar nga Thumana ka bërë një denoncim në redaksinë e Piranjave, për gjendjen alarmante të pallateve të rindërtuara pas tërmetit.
Sipas tij, ndonëse ashensorët janë vendosur në pallate, katër vjet më pas ata nuk funksionojnë.
Në denoncimin e mbërritur në redaksinë tonë qytetari shkruan se disa nga ashensorët janë mbyllur dhe mbuluar me gips për të mos u dukur, duke e bërë të pamundur përdorimin e tyre.
Kjo situatë po krijon probleme serioze për njerëzit e sëmurë, të moshuarit dhe ata me lëvizshmëri të kufizuar, të cilët detyrohen të ngjisin disa me batanije ose duke i mbajtur në kurriz.
Situata nxjerr në pah një problem serioz në rindërtimin pas tërmetit, ku infrastruktura e sigurt, duket se nuk është garantuar për banorët.
Po ashtu nga fotot e siguruara nga Piranjat News shihet se ashensorët po mbulojnë me gipse.
Pyetja që ngrihet është e thjeshtë; Kush mban përgjegjësi për këtë?
Kujtojmë që kjo zonë u godit nga tërmeti i 26 nëntorit, 2019, ndërkohë qeveria premtoi rindërtimin dhe banesa për qytetarët e prekur./Piranjat News
Denoncimi i qytetarit
Pershendetie pirnajt ne se esht e mundur te vini dhe te beni nje hetim me pallatet e thumanes si jan ndertuar mbas tërmeti kan ven ashensorët por ka tani 4 vjet si jan dhen hyrjet dhe ashensorat nuk funksionojnë tani po i mbyllin dhe me gipsa qe mos te duken kemi njerez te sëmure qe nuk heqin na duhet ti sbresim ne kurriz ose me batanije kur na sëmuren dhe ti ngjisim ne kurriz julutem vetem tek ju kemi besim te na zjedhet problemi i banorëve te thumanes faleminderit nese ne ndihmoni
