Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Parashikimi i meterologes: Të premten priten reshjet e para të dëborës në Alpe
PiranjatPërditësimi i fundit 29 Shtator 2025, 16:45
Sipas UGJEUM, java që sapo ka nisur do të karakterizohet nga reshje të dobëta shiu dhe një ulje graduale e temperaturave, sidomos në pjesën e dytë të javës. Meteorologia Anira Gjoni parashikon se nga dita e premte, në disa zona malore të veriut dhe lindjes së vendit, do të regjistrohen reshjet e para të dëborës, kryesisht në Alpet shqiptare.
"Java do të nisë me temperatura më të ulëta se zakonisht për këtë periudhë. Të martën dhe të mërkurën do të ketë rënie të temperaturave, ndërsa të mërkurën pasdite pritet një rritje e lehtë me maksimum deri në 23°C. Por të enjten rikthehen reshjet e shiut dhe temperaturat do të zbresin ndjeshëm – me minimum 14°C dhe maksimum deri në 17°C.
Përmbledhje ditore e parashikimit: e hëna & e marta: Reshje të dobëta dhe të lokalizuara shiu gjatë mesditës, në disa qarqe të vendit. E mërkura: Moti do të jetë kryesisht me kthjellime dhe vranësira të shpeshta. E enjtja: Rikthehen reshjet e shiut dhe temperaturat pësojnë rënie të ndjeshme. E premtja: Priten reshjet e para të dëborës në Alpet shqiptare, si dhe në disa zona malore në veri dhe lindje të vendit. Dëbora mund të zbresë deri në 900 metra lartësi.
Fundjava mund të sjellë moti të paqëndrueshëm, ndaj rekomandohet që qytetarët të jenë të përgatitur për ndryshime të papritura në kushte atmosferike", tha meterologia në “MCN Live”.
Policia e Gjirokastrës ka zbardhur vrasjen e biznesmenit italian, duke akuzuar si autor shtetasin Kamber Sulcaj. Policia thotë se krimi ka ndodhur p&e...
