Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Zbulohet foto, ky është 48-vjeçari nga Vlora që i mori jetën me armë biznesmenit italian
PiranjatPërditësimi i fundit 29 Shtator 2025, 15:13
Personi në foto është Kamber Sulçaj 48 vjeç, autori i vrasjes së biznesmenit italian në Tepelenë. 48-vjeçari Sulçaj është i shpallur në kërkim nga policia për 3 vepra penale; vrasje në rrethana të tjera cilësuese në mënyrë të rrezikshme për jetën e shumë personave, armëmbajtje pa leje dhe prodhim e shitje narkotikësh.
Policia e Shtetit po ashtu ka bërë publike detaje të plota mbi dinamikën e krimit të ngjarjes së rëndë të ndodhur në aksin rrugor “Nivicë-Salari”, ku u vra shtetasi italian Edoardo Sarchi.
Hetimet intensive të strukturave hetimore të Gjirokastrës, në bashkëpunim me Policinë Kriminale dhe Prokurorinë e Rrethit, kanë çuar në identifikimin dhe shpalljen në kërkim të një 48-vjeçari nga Vlora, i dyshuar si autor i vrasjes. Krimi dyshohet se ka ndodhur pas një konflikti për motive të dobëta dhe është kryer me armë zjarri, duke rrezikuar edhe jetën e personave të tjerë të pranishëm në vendngjarje. Policia ka sekuestruar një sërë provash, përfshirë armë, automjete, para cash dhe mjete të tjera që lidhen me veprën penale. Vijojnë kërkimet për kapjen e autorit.
"Salari, Tepelenë/Hetimet e shpejta dhe profesionale çojnë në zbardhjen e autorësisë dhe dinamikës së vrasjes së shtetasit E. S., trupi i pajetë i të cilit u gjet në vendin e quajtur “Qafa e Dilanit”, pas mesnatës së datës 26.09.2025. Identifikohet dhe shpallet në kërkim një 48-vjeçar, autori i dyshuar i vrasjes. Nga hetimet dyshohet se 48-vjeçari, pas një konflikti për motive të dobëta, ka qëlluar me armë, drejt shtetasit E. S., shtetasve që e shoqëronin atë dhe automjeve të tyre të ndaluara. Nga të shtënat humbi jetën shtetasi E. S. Sekuestrohen nga vendngjarja, automjetet e shtetasit E. S. dhe shoqëruesve të tij, si dhe 2 armë gjahu.
Gjithashtu, sekuestrohen automjeti dhe veshjet e përdorura gjatë krimit, si dhe 2 500 000 lekë (në valutat lekë dhe euro), 3 armë gjahu, municion për armë gjahu me saçme, municion për armë me vjaska, 450 fara të dyshuara Cannabisi dhe 2 kasaforta. Si rezultat i hetimeve intensive të kryera nga grupi i posaçëm hetimor, i përbërë nga ekspertë të strukturave hetimore të Drejtorisë Vendore të Policisë Gjirokastër dhe nga ekspertë të Departamentit të Policisë Kriminale të DPPSh-së, të drejtuar nga Prokuroria e Gjirokastrës, ngritur menjëherë pas ngjarjes së ndodhur rreth mesnatës së datës 26.09.2025, në aksin rrugor “Nivicë-Salari”, ku u vra shtetasi italian E. S., 44 vjeç, u mundësua zbardhja e autorësisë dhe rrethanave të rastit.
Konkretisht, u identifikua autori i dyshuar i vrasjes, shtetasi K. S., 48 vjeç banues në fshatin Mesaplik, Vlorë, i cili u shpall në kërkim për veprat penale “Vrasja në rrethana të tjera cilësuese”, në mënyrë të rrezikshme për jetën e shumë personave, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, njofton policia.
Policia e Gjirokastrës ka zbardhur vrasjen e biznesmenit italian, duke akuzuar si autor shtetasin Kamber Sulcaj. Policia thotë se krimi ka ndodhur p&e...
